ലണ്ടൻ: ഞായറാഴ്ച തുടങ്ങുന്ന ഫിഫ ക്ലബ്ബ് ലോകകപ്പിനുള്ള മാഞ്ചസ്റ്റർ സിറ്റി ടീമിൽ ഇടം നേടാനാവാതെ ഇംഗ്ലണ്ട് താരം ജാക്ക് ഗ്രീലിഷ്. അമേരിക്കയിൽ ആരംഭിക്കുന്ന ടൂർണമെന്റിന് വേണ്ടി സിറ്റി കോച്ച് പെപ് ഗ്വാർഡിയോള 27 അംഗ ടീമിനെ പ്രഖ്യാപിച്ചിരുന്നു. ഈ ടീമിൽ നിന്നാണ് ഇംഗ്ലീഷ് ഫോർവേർഡ് ഗ്രീലിഷിനെയും മുൻ ക്യാപ്റ്റൻ കെയ്ൽ വാക്കറെയും ഒഴിവാക്കിയത്.

35 കളിക്കാരെ വരെ ടീമിൽ ഉൾപ്പെടുത്താൻ അനുവാദമുണ്ടായിരുന്നിട്ടും ഗ്രീലിഷിനെയും കെയ്ൽ വാക്കറെയും ഒഴിവാക്കിയത് ശ്രദ്ധേയമായി. സിറ്റിയുടെ ഏറ്റവും പുതിയ നാല് സൈനിംഗുകളായ റയാൻ ചെർക്കി, റയാൻ ഐറ്റ്‌നൂറി, ടിജാനി റെയ്ൻഡേഴ്‌സ്, മാർക്കസ് ബെറ്റിനെല്ലി എന്നിവരെല്ലാം ടീമിൽ ഉൾപ്പെടുത്തിയിട്ടുമുണ്ട്. അടുത്തിടെ കാൽമുട്ടിനേറ്റ പരുക്കിൽ നിന്ന് തിരിച്ചെത്തിയ സ്പാനിഷ് താരം റോഡ്രി ഉൾപ്പെടെയുള്ള പ്രധാന താരങ്ങളും ടീമിലുണ്ട്.

FIFA Club World Cup Manchester City drop two superstars from squad