മുംബൈ: മുംബൈ അന്ധേരിയിൽ ഒരു ബഹുരാഷ്ട്ര കമ്പനിയിൽ ജോലി ചെയ്യുന്ന യുവാവിനെ കബളിപ്പിച്ച് യുവതി 33 ലക്ഷം രൂപ തട്ടിയെടുത്തതായി പരാതി. മാട്രിമോണിയൽ സൈറ്റിൽ പരിചയപ്പെട്ട സ്ത്രീയാണ് ഞെട്ടിക്കുന്ന സൈബർ തട്ടിപ്പ് നടത്തിയത്. മഹി അഗർവാൾ എന്ന് സ്വയം പരിചയപ്പെടുത്തിയ സ്ത്രീയാണ് പണം തട്ടിയെടുത്തത്. ക്രിപ്‌റ്റോകറൻസിയിൽ നിക്ഷേപം നടത്തിയാണ് തട്ടിപ്പ്. സംഭവത്തിൽ യുവാവ് സൈബർ ക്രൈം പൊലിസിന് പരാതി നൽകി. 

29 കാരനായ യുവാവ് ജീവിത പങ്കാളിയെ കണ്ടെത്തുന്നതിനായി 2025 ജനുവരിയിലാണ് ഒരു മാട്രിമോണിയൽ പ്ലാറ്റഫോമിൽ രജിസ്റ്റർ ചെയ്തത്. ഏപ്രിൽ 21 ന് മഹി അഗർവാൾ എന്ന് സ്വയം പരിചയപ്പെടുത്തിയ ഒരു സ്ത്രീ യുവാവിനെ സൈറ്റിലൂടെ പരിചയപ്പെടുകയായിരുന്നു. യുവാവ് താമസിക്കുന്ന പ്രദേശത്തുള്ളതും യുവാവിന്റെ തന്നെ വിഭഗത്തില്പെട്ട സ്ത്രീ ആണെന്നും യുവതി പറഞ്ഞു. സൈറ്റിൽ നൽകിയ മറ്റു വിവരങ്ങൾ കൂടി കണ്ടതോടെ യുവാവിന് പെൺകുട്ടിയെ ഇഷ്ടമായി. ബൂസ്റ്റ് ബേസ് എന്ന മലേഷ്യൻ സ്ഥാപനത്തിൽ ആറ് അക്ക ശമ്പളം വാങ്ങുന്ന ഒരു ക്രിപ്‌റ്റോകറൻസി നിക്ഷേപകയാണ് താനെന്ന് മഹി അഗർവാൾ യുവാവിനോട് പറഞ്ഞു.

മാട്രിമോണിയൽ സൈറ്റിൽ ഓൺലൈൻ ചാറ്റിങ്, വിവാഹത്തെക്കുറിച്ചുള്ള ചർച്ചകളിൽ നിന്ന് സാമ്പത്തിക നിക്ഷേപങ്ങളിലേക്കും മറ്റും വൈകാതെ മാറി. വൈകാതെ തന്നെ മഹി അഗർവാൾ യുവാവിനെ തന്റെ കമ്പനി വഴി ക്രിപ്‌റ്റോകറൻസിയിൽ നിക്ഷേപിക്കാൻ പ്രേരിപ്പിച്ചു. നല്ല നിക്ഷേപം ആണെന്ന് മനസിലാക്കിയ യുവാവ് അവരുടെ ഉപദേശം പിന്തുടർന്ന് അയാൾ കുകോയിൻ (KuCoin) എക്‌സ്‌ചേഞ്ചിൽ ഒരു അക്കൗണ്ട് തുറക്കുകയും ബൂസ്റ്റ് ബേസ് ആപ്പ് (Boost Base app) ഡൗൺലോഡ് ചെയ്യുകയും ചെയ്തു.

ഏപ്രിൽ മുതൽ മെയ് വരെയുള്ള കാലയളവിൽ യുവാവ് ഏകദേശം 33 ലക്ഷം രൂപ ആപ്പിലേക്ക് ട്രാൻസ്ഫർ ചെയ്തു. എന്നാൽ, മെയ് 18 ന്, തന്റെ വെർച്വൽ അക്കൗണ്ടിൽ പ്രദർശിപ്പിച്ചിരുന്ന ഫണ്ട് പിൻവലിക്കാൻ ശ്രമിച്ചപ്പോൾ, താൻ ലോക്ക് ഔട്ട് ചെയ്യപ്പെട്ടിരിക്കുകയാണെന്നും പണത്തിലേക്ക് ആക്‌സസ് ഇല്ലെന്നും അയാൾ കണ്ടെത്തി. താൻ വഞ്ചിക്കപ്പെട്ടുവെന്ന് മനസ്സിലാക്കിയ യുവാവ് സൈബർ ക്രൈം പൊലിസിനെ (വെസ്റ്റ് ഡിവിഷൻ) സമീപിച്ചു. 

വിവരസാങ്കേതിക വിദ്യ നിയമത്തിലെ (ഐ.ടി ആക്ട്) സെക്ഷൻ 66(ഡി) പ്രകാരമാണ് പൊലിസ് കേസെടുത്തത്. ഭാരതീയ ന്യായ സംഹിത (ബി.എൻ.എസ്) 318(4), 319(2), 336(2), 336(3), 338, 340(2), 61(2) എന്നീ വകുപ്പുകൾ ഇതിൽ ഉൾപ്പെടുന്നു.

A young man working at a multinational company in Andheri, Mumbai, has filed a complaint alleging that a woman cheated him out of ₹33 lakhs. The shocking cyber fraud began after the two met on a matrimonial site. The woman, who introduced herself as Mahi Agarwal, allegedly lured the man into investing in cryptocurrency, which turned out to be part of the scam. The victim has filed a complaint with the Cyber Crime Police, and an investigation is underway.