കുവൈത്ത് സിറ്റി: കുവൈത്തില്‍ പ്രവാസി മലയാളി മലയാളി മരിച്ചു. തിരുവല്ല കുന്നന്താനം സ്വദേശി പാറനാട്ടു വീട്ടില്‍ റോയ് വര്‍ഗീസ് (58) ആണ് മരിച്ചത്. ടോയോട്ട കമ്പനിയിലെ ജീവനക്കാരനായിരുന്ന അദ്ദേഹം ഫര്‍വാനിയ ആശുപത്രിയില്‍ ചികിത്സയിലായിരുന്നു. അബ്ബാസിയ സെന്റ് ഗ്രീഗോറിയോസ് ഇന്ത്യന്‍ ഓര്‍ത്തോഡക്‌സ് മഹാ ഇടവകാംഗമാണ്. കുവൈത്ത് ആരോഗ്യ മന്ത്രാലയത്തില്‍ ജോലി ചെയ്യുന്ന ലീനയാണ് ഭാര്യ. മക്കള്‍: അലോന റോയ്, ഏബല്‍ റോയ്. മൃതദേഹം നാട്ടിലെത്തിച്ച് സംസ്‌കരിക്കും. ഇതിനുള്ള നടപടികള്‍ പുരോഗമിക്കുകയാണെന്ന് സന്നദ്ധ സംഘടനാ പ്രവര്‍ത്തകര്‍ അറിയിച്ചു. കുന്നന്താനം വള്ളമല സെന്റ് മേരിസ് ഓര്‍ത്തഡോക്‌സ് പള്ളിയില്‍ ആയിരിക്കും സംസ്‌കാരം നടക്കുക.

An expatriate Malayali from Thiruvalla died in Kuwait.