തിരുവനന്തപുരം: ആരാധകര്‍ക്കുള്ള ഓണസമ്മാനമായാണ് ഫുട്‌ബോള്‍ ഇതിഹാസം ലിയോണല്‍ മെസിയെ കേരളത്തില്‍ എത്തിക്കുന്നതെന്ന് കായിക മന്ത്രി വി അബ്ദുറഹിമാന്‍. മുഖ്യമന്ത്രി പിണറായി വിജയനുമായി കൂടിയാലോചിച്ച്, അര്‍ജന്റീന ഫുട്‌ബോള്‍ ടീമിന്റെ സൗഹൃദ മത്സരത്തിനുള്ള ഒരുക്കങ്ങള്‍ നടത്തുമെന്നും മന്ത്രി വ്യക്തമാക്കി.

 ഫിഫ ലോകകപ്പ് ജേതാക്കളാണ് മെസി ഉള്‍പ്പെടുന്ന അര്‍ജന്റീനയുടെ ഫുട്‌ബോള്‍ ടീം. മെസി ഉള്‍പ്പെടുന്ന അര്‍ജന്‍ീന ഫുട്‌ബോള്‍ ടീം അന്താരാഷ്ട്ര സൗഹൃദ മത്സരം നവംബറില്‍ കേരളത്തിലെത്തി കളിക്കുമെന്ന് അര്‍ജന്റീന ഫുട്‌ബോള്‍ അസോസിയേഷന്‍ തന്നെയാണ് സ്ഥിരീകരിച്ചിരിക്കുന്നത്. നവംബര്‍ 10നും 18നും ഇടയിലായിരിക്കും അര്‍ജന്റീനന്‍ ഫുട്‌ബോള്‍ ടീമിന്റെ കേരളത്തിലെ മത്സരം.

ALSO READ: മെസ്സി കേരളത്തിൽ വരും; സ്ഥിരീകരിച്ച് അർജന്റീന ഫുട്‌ബോൾ അസോസിയേഷൻ

മെസിയുടെ വരവ് സംസ്ഥാന കായിക മന്ത്രി വി അബ്ദുറഹിമാനാണ് സ്ഥിരീകരിച്ചത്. കേരളത്തിലെ മത്സരത്തിനുള്ള എതിരാളികളെ തീരുമാനിച്ചിട്ടില്ലെന്നും അര്‍ജന്റീന ഫുട്‌ബോള്‍ ടീം വൃത്തങ്ങള്‍ അറിയിക്കുന്നു. തിരുവനന്തപുരം ഗ്രീന്‍ഫീല്‍ഡ് സ്റ്റേഡിയത്തിലായിരിക്കും മത്സരമെന്നുമാണ് റിപോര്‍ട്ടുകള്‍.

2011 സെപ്റ്റംബറിലാണ് ലിയോണല്‍ മെസി ഇതിന് മുമ്പ് ഇന്ത്യയിലെത്തിയത്. അന്ന് കൊല്‍ക്കത്ത സാള്‍ട്ട്‌ലേക്ക് സ്റ്റേഡിയത്തില്‍ വെനസ്വേലക്കെതിരെ അര്‍ജന്റീന സൗഹൃദ മത്സരത്തില്‍ മെസി കളിച്ചിരുന്നു. മെസി അര്‍ജന്റീനയുടെ ക്യാപ്റ്റനായുള്ള അരങ്ങേ മത്സരം കൂടിയായിരുന്നു ഇത്. 

In a major sporting announcement, Kerala Sports Minister V. Abdurahiman confirmed that football legend Lionel Messi and the Argentina national team will visit Kerala this November for an international friendly match. He described Messi’s arrival as an Onam gift for fans across the state.