കുവൈത്ത് സിറ്റി: കാസര്‍കോഡ് സ്വദേശിനിയായ യുവ ഡോക്ടര്‍ കുവൈത്തില്‍ മരിച്ചു. കുവൈത്ത് സിറ്റിയിലെ സ്വകാര്യ ആശുപത്രിയിലെ ഡോക്ടറായിരുന്ന നീലേശ്വരം സ്വദേശിനി ഡോ.നിഖില പ്രഭാകരന്‍ (36) ആണ് മരിച്ചത്. വൃക്കരോഗത്തെ തുടര്‍ന്ന് കുവൈത്ത് അദാന്‍ ആശുപത്രിയില്‍ ചികിത്സയിലിരിക്കെ ഇന്നലെ രാവിലെയാണ് മരണം. നേരത്തെ ജഹറയിലെ സ്വകാര്യ ആശുപത്രിയില്‍ ഡോകട്ര്‍ ആയിരുന്ന നിഖില അസുഖത്തെത്തുടര്‍ന്ന് ജോലി രാജിവയ്ക്കുകയായിരുന്നു. 

തിരുവനന്തപുരം സ്വദേശിയും കുവൈത്ത് അല്‍സലാം ഹോസ്പിറ്റലിലെ ഡോക്ടറുമായ വിപിന്‍ ഭര്‍ത്താവാണ്. ഗള്‍ഫ് ഇന്ത്യന്‍ സ്‌കൂളിലെ അഞ്ചാം ക്ലാസ് വിദ്യാര്‍ത്ഥി വിവാന്‍ ഏകമകനാണ്. അച്ഛന്‍ പ്രഭാകരന്‍ ഫഹാഹീലില്‍ വ്യാപാരിയാണ്. റീജയാണ് അമ്മ. വര്‍ഷ ഏക സഹോദരിയുമാണ്. മൃതദേഹം നാട്ടില്‍ എത്തിച്ച് സംസ്‌കരിക്കുമെന്ന് ബന്ധുക്കള്‍ അറിയിച്ചു. മൃതദേഹംകൊണ്ടുപോകാനുള്ള നടപടിക്രമങ്ങള്‍ നീക്കിവരികയാണ്.

കാസര്‍കോഡ് എക്‌സ്പാട്രിയേറ്റ്‌സ് അസോസിയേഷന്‍ (കെഇഇ) ഫഹാഹീല്‍ ഏരിയ കമ്മിറ്റി അംഗമായിരുന്ന നിഖിലയുടെ നിര്യാണത്തില്‍ കെഇഎ കുവൈത്ത് അനുശോചിച്ചു. 

Nikhila Prabhakaran, a 36-year-old doctor from Neeleswaram, Kasaragod, has passed away in Kuwait due to kidney-related illness. She died this morning at Adan Hospital after undergoing treatment for the past 18 days.