ദുബൈ: എമിറേറ്റിലെ വിവിധ പ്രദേശങ്ങളിലെ റെസിഡൻഷ്യൽ കെട്ടിടങ്ങളിൽ അനധികൃതമായി മുറികൾ വിഭജിക്കുന്ന രീതിക്കെതിരെ കർശന നടപടികൾ സ്വീകരിക്കുമെന്ന് അധികൃതർ അറിയിച്ചു. നഗരത്തിന്റെ പല ഭാഗങ്ങളിലും സാധാരണമായി ഉപയോഗിക്കുന്ന ഈ താമസ രീതി അപകടകരമാണെന്ന് കണ്ടെത്തിയിട്ടുണ്ടെന്ന്, ഖലീജ് ടൈംസിന് നൽകിയ പ്രസ്താവനയിൽ, ദുബൈ മുനിസിപ്പാലിറ്റി (DM) അറിയിച്ചു. ഇതിന്റെ ഭാ​ഗമായി നഗരത്തിന്റെ വിവിധ ഭാ​ഗങ്ങളിൽ പരിശോധനകൾ നടത്തിവരികയാണെന്നും അധികൃതർ സ്ഥിരീകരിച്ചു.

“ദുബൈ മുനിസിപ്പാലിറ്റി, ദുബൈ ലാൻഡ് ഡിപ്പാർട്ട്മെന്റ്, ജനറൽ ഡയറക്ടറേറ്റ് ഓഫ് സിവിൽ ഡിഫൻസ് എന്നിവയുമായി സഹകരിച്ച്, എമിറേറ്റിലെ ബഹുനില റസിഡൻഷ്യൽ കെട്ടിടങ്ങളിൽ ഒരു ഫീൽഡ് പരിശോധനാ ക്യാമ്പയിൻ നടത്തി,” ദുബൈ മുൻസിപ്പാലിറ്റി പ്രസ്താവനയിൽ പറഞ്ഞു. “അൽ റിഗ്ഗ, അൽ മുറഖാബത്, അൽ ബർഷ, അൽ സത്വ, അൽ റഫ എന്നിങ്ങനെ ജനസാന്ദ്രത കൂടിയ പ്രദേശങ്ങളെയാണ് ഈ ക്യാമ്പയിൻ പ്രധാനമായും ലക്ഷ്യമിടുന്നത്.”

ALSO READ: കൂടുതൽ ആകർഷണങ്ങളുമായി ഖത്തർ ടോയ് ഫെസ്റ്റിവൽ 2025 ജൂലൈ ആറ് മുതൽ ഓഗസ്റ്റ് നാല് വരെ

പരിശോധനകൾക്ക് മുമ്പ് മതിയായ മുന്നറിയിപ്പുകൾ നൽകിയിരുന്നതായും അധികൃതർ അറിയിച്ചു. “നിയമങ്ങൾ പാലിക്കേണ്ടതിന്റെ ആവശ്യകതയെക്കുറിച്ച് കെട്ടിട ഉടമകൾക്ക് കത്തുകൾ വഴി ഔദ്യോഗിക അറിയിപ്പ് നൽകിയിരുന്നുവെന്ന്” ദുബൈ മുൻസിപ്പാലിറ്റി കൂട്ടിച്ചേർത്തു. “നിയമവിരുദ്ധമോ അംഗീകൃതമല്ലാത്തതോ ആയ ഘടനാപരമായ മാറ്റങ്ങളോ വിഭജനങ്ങളോ, താൽക്കാലികമോ സ്ഥിരമോ ആകട്ടെ റസിഡൻഷ്യൽ യൂണിറ്റുകളിൽ ഉണ്ടാക്കുന്ന അപകടങ്ങളെക്കുറിച്ച് കെട്ടിട ഉടമകളെ ബോധവൽക്കരിക്കാനും, അനധികൃത ഘടനകൾ നീക്കം ചെയ്യുന്നതിനും ഈ ക്യാമ്പയിൻ ലക്ഷ്യമിടുന്നു.”

ദുബൈയിൽ അപ്പാർട്ട്മെന്റിൽ വിഭജനമോ മാറ്റങ്ങളോ വരുത്താൻ , വാടകക്കാരും, ഉടമകളും ആവശ്യമായ അനുമതികൾ നേടണമെന്ന് അധികൃതർ അറിയിച്ചു.

Dubai Municipality has announced strict measures against the unauthorized partitioning of rooms in residential buildings across the city. This practice, commonly found in many areas, has been deemed hazardous. The municipality has already begun conducting inspections in various parts of the city to address this issue. The move aims to ensure safety and compliance with building regulations, and authorities will take action against violators ¹.