നിലവിൽ ലോക ഫുട്ബോളിലെ ഏറ്റവും മികച്ച വിങ്ങർന്മാരിൽ ഒരാളാണ് പോർച്ചുഗീസ് സൂപ്പർ താരം റാഫേൽ ലിയോ. ഇപ്പോൾ റാഫേൽ ലിയോ തന്റെ ഫുട്ബോൾ കരിയറിൽ ഒരുമിച്ച് കളിച്ചിട്ടുള്ളതിൽ ഏറ്റവും മികച്ച രണ്ട് താരങ്ങൾ ആരൊക്കെയാണെന്ന് തുറന്നു പറഞ്ഞിരിക്കുകയാണ്. ക്രിസ്റ്റ്യാനോ റൊണാൾഡോ, സ്ലോട്ടൻ ഇബ്രാഹിമോവിച്ച് എന്നീ താരങ്ങളെയാണ് റാഫേൽ ലിയോ കളിക്കളത്തിലെ മികച്ച താരങ്ങളായി തെരഞ്ഞെടുത്തത്. ഫാഷൻ മാഗസിനായ എൽ ഒഫീഷ്യലിന് നൽകിയ അഭിമുഖത്തിൽ ആയിരുന്നു പോർച്ചുഗീസ് താരം ഇക്കാര്യം പറഞ്ഞത്.