തെഹ്റാൻ: ഇസ്റാഈലിന്റെ "അന്യായവും പ്രകോപനരഹിതവുമായ" ആക്രമണങ്ങൾക്കെതിരെ അവസാനം വരെ പോരാടാൻ ഇറാൻ തയ്യാറാണെന്ന് വിദ്യാഭ്യാസ, ഗവേഷണ വിദേശകാര്യ ഉപമന്ത്രി സയീദ് ഖതിബ്സാദെ വ്യക്തമാക്കി. സയീദ് ഖതിബ്സാദെ അൽ ജസീറയോട് സംസാരിക്കവെ, ഇസ്റാഈലിന്റെ അതിക്രമപരവും തെമ്മാടിത്തരവുമായ പ്രവർത്തനങ്ങൾ തടയാൻ ഇറാൻ ദൃഢനിശ്ചയത്തോടെ പ്രവർത്തിക്കുന്നുണ്ടെന്നും പറഞ്ഞു. ജൂൺ 13 മുതൽ ആരംഭിച്ച ഇസ്റാഈൽ ആക്രമണങ്ങൾ തടയാൻ രാജ്യം പരമാവധി ശ്രമിക്കുമെന്ന് ഖതിബ്സാദെ പറഞ്ഞു. 1980-88 കാലഘട്ടത്തിലെ ഇറാൻ-ഇറാഖ് യുദ്ധത്തെ ഉദാഹരണമാക്കി, സ്വയം പ്രതിരോധിക്കാൻ ഇറാൻ എത്രത്തോളം മുന്നോട്ടുപോകുമെന്നും അദ്ദേഹം ചൂണ്ടിക്കാട്ടി. 

ഇറാന് 'വഴി' കാണിക്കണം: വിദഗ്ധ അഭിപ്രായം

ദോഹ ഇൻസ്റ്റിറ്റ്യൂട്ട് ഫോർ ഗ്രാജുവേറ്റ് സ്റ്റഡീസിലെ പ്രൊഫസർ മുഹന്നാദ് സെലൂം, ഇസ്റാഈലും അമേരിക്കയും ഇറാനും തമ്മിലുള്ള സംഘർഷം ഉടൻ അവസാനിക്കുമെന്ന് വിശ്വസിക്കുന്നതായി അൽ ജസീറയോട് പറഞ്ഞു. ഈ സംഘർഷം നിർണായക ഘട്ടത്തിലാണ് ഇത് ദീർഘകാലം നീണ്ടുനിൽക്കില്ല. ഇത് യുഎസിന്റെയോ ഇസ്റാഈലിന്റെയോ താൽപ്പര്യങ്ങൾക്ക് യോജിച്ചതല്ലെന്നും അദ്ദേഹം വിലയിരുത്തി.

ALSO READ: ഇറാനിലെ ഫോർഡോ ആണവ കേന്ദ്രത്തിനു സമീപം ഇസ്റാഈൽ ആക്രമണം

എന്നാൽ, ഇസ്റഈലിനും അമേരിക്കയ്ക്കും വ്യത്യസ്ത തന്ത്രപരമായ ലക്ഷ്യങ്ങളുണ്ടെന്നും അവയെ ഒത്തുചേർക്കാൻ സാധ്യത കുറവാണെന്നും സെലൂം ചൂണ്ടിക്കാട്ടി. ഇറാനെതിരെ ഇസ്റാഈൽ സൈനിക നീക്കം ആരംഭിച്ചു, അമേരിക്കയും സംഘർഷത്തിൽ ഔദ്യോഗികമായി ഇടപെടുന്നു. ഇറാന് കീഴടങ്ങാൻ ഒരു വഴി വാഗ്ദാനം ചെയ്യേണ്ടതുണ്ട്. അവർക്ക് എന്തെങ്കിലും വിട്ടുവീഴ്ച ചെയ്യേണ്ടി വരും," അദ്ദേഹം കൂട്ടിച്ചേർത്തു.

ഇറാന് തിരിച്ചടിക്കാൻ ധാരാളം ഓപ്ഷനുകളുണ്ടെന്നും, അവർക്ക് ഒരു "വഴി" നൽകുന്നത് ഇസ്റാഈലിന്റെയും അമേരിക്കയുടെയും താൽപ്പര്യങ്ങൾക്ക് ഗുണകരമാണെന്നും സെലൂം അഭിപ്രായപ്പെട്ടു.