ദുബൈ: എല്ലാ സർക്കാർ ജീവനക്കാരും നാളെ മുതൽ (ജൂൺ 24 ചൊവ്വാഴ്ച) സാധാരണ ഓഫിസ് സമയത്തേക്ക് മടങ്ങുമെന്ന് ബഹ്‌റൈൻ സിവിൽ സർവിസ് ബ്യൂറോ പ്രഖ്യാപിച്ചു. വർധിച്ചുവരുന്ന പ്രദാശിക സംഘർഷങ്ങൾക്കിടയിൽ ഒരു ദിവസം മുമ്പ് നടപ്പാക്കിയ വർക്ക് ഫ്രം ഹോം നിർദേശം പിൻവലിച്ചാണ് പുതിയ തീരുമാനം.

എല്ലാ മന്ത്രാലയങ്ങളും സർക്കാർ സ്ഥാപനങ്ങളും സാധാരണ ഓഫിസ് സമയത്തേക്ക് തിരിച്ചെത്തുമെന്ന് ബഹ്‌റൈൻ ന്യൂസ് ഏജൻസി (BNA) പ്രസിദ്ധീകരിച്ച പ്രസ്താവനയിൽ വ്യക്തമാക്കി. പ്രാദേശിക സാഹചര്യങ്ങളും പൊതുസുരക്ഷ ഉറപ്പാക്കേണ്ടതിന്റെ ആവശ്യകതയും ചൂണ്ടിക്കാട്ടി, 70 ശതമാനം സർക്കാർ ജീവനക്കാരോട് അടുത്ത നിർദേശം വരെ വീട്ടിൽനിന്ന് ജോലി ചെയ്യാൻ ശനിയാഴ്ച ബഹ്‌റൈൻ ഉത്തരവിട്ടിരുന്നു.

ALSO READ: റെസിഡൻഷ്യൽ കെട്ടിടങ്ങളിലെ അനധികൃത പാർട്ടീഷൻ മുറികൾ ഇനി വേണ്ട; പരിശോധനകൾ ഉൾപ്പെടെയുള്ള കർശന നടപടികളുമായി ദുബൈ മുൻസിപ്പാലിറ്റി

ഓൺ-സൈറ്റ് പ്രവർത്തനം ആവശ്യമായ അവശ്യ സേവന മേഖലകളോ അടിയന്തര പ്രോട്ടോക്കോളുകൾ പ്രകാരം പ്രവർത്തിക്കുന്നവയോ ഈ താൽക്കാലിക നടപടിയിൽനിന്ന് ഒഴിവാക്കപ്പെട്ടിരുന്നു.

വർക്ക് ഫ്രം ഹോം ഉത്തരവ് നടപ്പാക്കി ഒരു ദിവസത്തിനുശേഷം അത് പിൻവലിക്കാനുള്ള തീരുമാനത്തിന്റെ കൂടുതൽ വിശദാംശങ്ങൾ നൽകിയിട്ടില്ല. എല്ലാ സർക്കാർ വകുപ്പുകളും ചൊവ്വാഴ്ച മുതൽ പൂർണ തോതിൽ പ്രവർത്തനം പുനരാരംഭിക്കുമെന്ന് മാത്രമാണ് ഇപ്പോൾ അറിയിച്ചിരിക്കുന്നത്.

The Bahrain Civil Service Bureau has announced that all government employees will return to normal office hours starting tomorrow, June 24. This decision comes after a day of implementing a work-from-home directive amid heightened regional tensions. Previously, authorities had shifted to online learning for schools and restricted road usage to ensure public safety. The change aims to maintain normalcy in government operations ¹.