തിരുവനന്തപുരം: മണ്ണെണ്ണ വിതരണവുമായി ബന്ധപ്പെട്ട് നിലനിന്ന പ്രശ്‌നങ്ങള്‍ അവസാനിച്ചതായി ഭക്ഷ്യപൊതുവിതരണ വകുപ്പ് മന്ത്രി ജി.ആര്‍ അനില്‍. മണ്ണെണ്ണ വിതരണവുമായി നിലനിന്നിരുന്ന എല്ലാ ആശങ്കകളും അവസാനിച്ചുവെന്നും മന്ത്രി വ്യക്തമാക്കി. മാധ്യമങ്ങളോട് സംസാരിക്കവേയാണ് മന്ത്രി ഇക്കാര്യം വ്യക്തമാക്കിയത്.

ALSO READ: ശക്തമായ മഴയ്ക്ക് സാധ്യത; വിവിധ ജില്ലകളില്‍ നാളെ യെല്ലോ അലര്‍ട്ട്

ഇതോടെ സംസ്ഥാനത്ത് നാളെ മുതല്‍ റേഷന്‍ മണ്ണെണ്ണ വിതരണം ആരംഭിക്കും. റേഷന്‍ പ്രതിനിധികളുമായി കൂടിക്കാഴ്ച നടത്തിയതായും മന്ത്രി വ്യക്തമാക്കി. കഴിഞ്ഞ കുറേ കാലമായി സംസ്ഥാനത്തിനുള്ള മണ്ണെണ്ണയില്‍ കേന്ദ്രം കുറവ് വരുത്തുകയാണെന്നും മന്ത്രി കൂട്ടിച്ചേര്‍ത്തു.

ALSO READ: ഗവർണറുടെ അധികാരങ്ങൾ സ്‌കൂൾ പാഠപുസ്തകത്തിൽ ഉൾപ്പെടുത്തും; കുട്ടികൾ കാര്യങ്ങൾ അറിഞ്ഞിരിക്കണമെന്ന് മന്ത്രി വി. ശിവൻകുട്ടി

ഒരു ലിറ്റര്‍ മണ്ണെണ്ണയുടെ വില 61 രൂപയാണ്. ഈ വര്‍ഷത്തെ ആദ്യ പാദത്തില്‍ 5,676 കിലോലിറ്റര്‍ മണ്ണെണ്ണ വിതരണത്തിനായി അനുവദിച്ചിട്ടുണ്ട്. വൈദ്യുതി ഇല്ലാത്ത കുടുംബങ്ങള്‍ക്ക് 6 ലിറ്റര്‍, എഎവൈ കാര്‍ഡുടമകള്‍ക്ക് 1 ലിറ്റര്‍, മറ്റ് കാര്‍ഡുടമകള്‍ക്ക് അര ലിറ്റര്‍ വീതം മണ്ണെണ്ണ ലഭിക്കും. മണ്ണെണ്ണ വിഹിതം കുറഞ്ഞതിനാല്‍, ഒരു വര്‍ഷത്തിലേറെയായി പല മൊത്തവ്യാപാര ഡിപ്പോകളും പ്രവര്‍ത്തനരഹിതമായിരുന്നു.

Kerosene supply problems in Kerala have been resolved. Ration kerosene distribution across the state will resume from tomorrow, bringing relief to thousands of households.