കൊച്ചി: എറണാകുളം നഗരത്തിൽ ഫർണീച്ചർ ഷോപ്പിൽ വൻതീപിടുത്തം. എറണാകുളം നോർത്തിൽ ടൗൺഹാളിനോട് ചേർന്നുള്ള കെട്ടിടത്തിലാണ് തീപിടിച്ചത്. ഉപയോ​ഗിച്ച ഫർണിച്ചറുകൾ വിൽക്കുന്ന ഷോപ്പിലാണ് തീപിടിച്ചത്. ഈ ഷോപ്പിനു തൊട്ടടുത്തായി രണ്ട് പെട്രോൾ പമ്പുകൾ പ്രവർത്തിക്കുന്നത് ഏറെ ആശങ്കയുണ്ടാക്കി. എന്നാൽ ഫയർ ഫോഴ്‌സിന്റെ കൃത്യമായ ഇടപെടൽ വൻദുരന്തം ഒഴിവാക്കി.  തീ നിയന്ത്രണ വിധേയമാണെന്ന് ഫയർഫോഴ്സ് ഉദ്യോഗസ്ഥർ അറിയിച്ചു.

പുലർച്ചെ മൂന്ന് മണിയോടെയാണ് അപകടമുണ്ടായത്. റോഡ് ഒഴിഞ്ഞ സമയമായതിനാൽ ഫയർഫോഴ്‌സ് സംഘത്തിന് പെട്ടെന്ന് തന്നെ സ്ഥലത്ത് എത്താനായി. സാധാരണ സമയങ്ങളിൽ ഏറെ ട്രാഫിക് ബ്ലോക്ക് ഉണ്ടാകുന്ന ഒരിടം കൂടിയാണ് ഇത്. പരിസരത്ത് ഉണ്ടായിരുന്ന താമസക്കാരെ അടക്കം ഒഴിപ്പിച്ച ഫയർഫോഴ്സ് തീ മറ്റിടത്തേയ്ക്ക് പടരുന്നത് നിയന്ത്രിച്ചു. പുറത്തെ തീ അണച്ചിട്ടും അകത്ത് തീ കത്തുന്നുണ്ടായിരുന്നു. പിന്നീട് ഇതും നിയന്ത്രണവിധേയമാക്കി. 

ALSO READ: മൃഗങ്ങളെ തുരത്താന്‍ കാട്ടറിവുകള്‍

ഷോർട്ട് സർക്യുട്ടല്ല അപകട കാരണം എന്നാണ് പ്രാഥമിക നിഗമനം. രാത്രി ഷോപ്പ് അടച്ചുപോകുമ്പോൾ മെയിൻ സ്വിച്ച് ഓഫ് ചെയ്തിരുന്നതായി കടയുടമ പ്രതികരിച്ചു. ഏഴോളം യൂണിറ്റ് ഫയർ ഫോഴ്സ് സംഘം എത്തിയാണ് തീ നിയന്ത്രണവിധേയമാക്കിയത്. നോർത്ത് പാലത്തിനടുത്ത ഒരു റോഡിലെ ഗതാഗതം തടഞ്ഞു. 

A major fire broke out at a furniture shop in Ernakulam North, near the Town Hall area. The fire occurred in a shop that sells used furniture. What raised serious concern was the close proximity of two petrol pumps to the burning building.