ചെന്നൈ: ജന്മദിനത്തില്‍ സുഹൃത്ത് നല്‍കിയ നാടന്‍ബോംബ് എറിഞ്ഞുപ്പൊട്ടിച്ച യുവാവിനെ പൊലിസ് അറസ്റ്റ് ചെയ്തു. ചെങ്കല്‍പ്പെട്ട് ടൗണില്‍ താമസിക്കുന്ന ദീപകിനെയാണ് പൊലിസ് അറസ്റ്റ് ചെയ്തത്. കഴിഞ്ഞ ദിവസമായിരുന്നു ദീപകിന്റെ ജന്മദിനം.

ALSO READ: അ​ഹമ്മദാബാദ് വിമാനദുരന്തം; 318 ശരീരഭാഗങ്ങളും 100 മൊബൈൽ ഫോണുകളും കണ്ടെടുത്തു

കേക്ക് മുറിച്ച ശേഷം സുഹൃത്തായ ദേവ് തന്റെ ചങ്ങാതിക്ക് പിറന്നാള്‍ സമ്മാനമായി കൊണ്ടുവന്ന നാടന്‍ ബോംബ് പിറന്നാള്‍ സമ്മാനമായി നല്‍കുകയായിരുന്നു. അവിടെ വെച്ചു തന്നെ ബോംബ് പൊട്ടിക്കാന്‍ ആവശ്യപ്പെട്ടതനുസരിച്ച് ദീപക് അപ്രകാരം ചെയ്യുകയായിരുന്നു. തന്റെ വീടിനു മുന്നില്‍ വെച്ചാണ് ദീപക് നാടന്‍ ബോംബ് എറിഞ്ഞുപ്പൊട്ടിച്ചത്. ആളപായമൊന്നുമുണ്ടായില്ലെന്നാണ് റിപ്പോര്‍ട്ടുകള്‍.

ALSO READ: പോളിങ് ബൂത്തിലെ വിഡിയോ ദൃശ്യങ്ങൾ പുറത്തുവിടില്ല; വോട്ടർമാരുടെ സ്വകാര്യതയെ ബാധിക്കുമെന്ന് തെരഞ്ഞെടുപ്പ് കമ്മിഷൻ

നാടന്‍ ബോംബ് പൊട്ടിക്കുന്നതിന്റെ ദൃശ്യങ്ങള്‍ പകര്‍ത്തി ദീപകും സുഹൃത്തുക്കളും ഇന്‍സ്റ്റഗ്രാമിലൂടെ പ്രചരിപ്പിച്ചിരുന്നു. ഇതുകണ്ട ഒരു വ്യക്തിയാണ് പൊലിസില്‍ യുവാവിനെതിരെ പരാതി നല്‍കിയത്. നാടന്‍ ബോംബ് സമ്മാനമായി നല്‍കിയ ദേവ് ഒളിവിലാണ്‌.

A youth was arrested for detonating a homemade bomb allegedly received as a birthday present. Authorities are investigating the incident and the origin of the explosive device.