ന്യൂയോര്‍ക്ക്: ഇസ്‌റാഈല്‍-ഇറാന്‍ യുദ്ധത്തില്‍ അമേരിക്ക നേരിട്ട് ഇടപെട്ടത് സംഘര്‍ഷത്തിന്റെ പത്താം ദിവസമായ ഇന്നായിരുന്നു. ഇറാനിലെ ഏറ്റവും പ്രധാനപ്പെട്ട മൂന്ന് ആണവ കേന്ദ്രങ്ങളിലാണ് അമേരിക്ക ആക്രമണം നടത്തിയത്.

ALSO READ: ഇറാനില്‍ നേരിട്ട് ആക്രമണം നടത്തി അമേരിക്ക; മൂന്ന് ആണവ കേന്ദ്രങ്ങളില്‍ ആക്രമണം നടത്തിയതായി ട്രംപ്

ആക്രമണത്തിനു പിന്നാലെ അമേരിക്കന്‍ നഗരമായ ന്യൂയോര്‍ക്കിലും തലസ്ഥാനമായ വാഷിംങ്ടണിലും അതീവ ജാഗ്രതയെന്ന് റിപ്പോര്‍ട്ട്. ഇരു നഗരങ്ങളിലും അധിക സേനയെ സുരക്ഷയ്ക്കായി വിന്യസിച്ചിട്ടുണ്ട്. ഇരു നഗരങ്ങളിലും വിവിധ രാജ്യങ്ങളുടെയും, പ്രത്യേകിച്ച് ഇസ്‌റാഈല്‍ നയതന്ത്ര കാര്യാലയങ്ങളുടെയും സുരക്ഷ വര്‍ധിപ്പിച്ചു.
ഇറാനിലെ സംഭവവികാസങ്ങള്‍ സൂക്ഷ്മമായി നിരീക്ഷിച്ചുവരികയാണെന്നും നമ്മുടെ പ്രാദേശിക, സംസ്ഥാന, ഫെഡറല്‍ നിയമ നിര്‍വ്വഹണ ഏജന്‍സികളുമായി സജീവമായി ഏകോപിപ്പിക്കുന്നുണ്ടെന്നും ന്യൂയോര്‍ക്ക് മെട്രോപൊളിറ്റന്‍ പൊലിസ് അറിയിച്ചു.

ALSO READ: 'ഇസ്‌റാഈലിനെ സൈനികമായി സഹായിക്കുന്ന ഏതൊരു രാജ്യത്തെയും ഉന്നമിടും'; ഇറാന്‍ സൈന്യം

'ഇറാനിലെ സംഭവവികാസങ്ങള്‍ മെട്രോപൊളിറ്റന്‍ പൊലിസ് വകുപ്പ് സൂക്ഷ്മമായി നിരീക്ഷിച്ചുകൊണ്ടിരിക്കുകയാണ്. ഡിസ്ട്രിക്റ്റ് ഓഫ് കൊളംബിയയിലെ താമസക്കാര്‍, ബിസിനസുകള്‍, സന്ദര്‍ശകര്‍ എന്നിവരെ സംരക്ഷിക്കാന്‍ സഹായിക്കുന്നതിന് വിവരങ്ങള്‍ പങ്കിടുന്നതിനും ഇന്റലിജന്‍സ് നിരീക്ഷിക്കുന്നതിനും ഞങ്ങളുടെ പ്രാദേശിക, സംസ്ഥാന, ഫെഡറല്‍ നിയമ നിര്‍വ്വഹണ സംവിധാനങ്ങളുമായി ചേര്‍ന്ന് പ്രവര്‍ത്തിക്കുന്നു,' പൊലിസ് പറഞ്ഞു.

ഇറാനിലെ ആക്രമണങ്ങളെത്തുടര്‍ന്ന്, നഗരത്തിലെ പൊതു സുരക്ഷയ്ക്ക് എന്തെങ്കിലും ഭീഷണിയുണ്ടോ എന്ന് സൂക്ഷ്മമായി നിരീക്ഷിച്ചുവരികയാണെന്ന് ലോസ് ഏഞ്ചല്‍സ് മേയര്‍ കാരെന്‍ ബാസും പറഞ്ഞു.

ALSO READ: 'ആക്രമണങ്ങളെക്കുറിച്ച് ട്രംപ് പറയുന്നത് നുണ, ആണവ കേന്ദ്രങ്ങള്‍ക്ക് കാര്യമായ നാശനഷ്ടമുണ്ടായിട്ടില്ല'; ഇറാന്‍

ഫോര്‍ദോ, നതാന്‍സ്, ഇസ്ഹാന്‍ കേന്ദ്രങ്ങള്‍ ആക്രമിച്ചതായി പ്രസിഡന്റ് ഡൊണാള്‍ഡ് ട്രംപ് അറിയിച്ചിരുന്നു. ഉഗ്രപ്രഹര ശേഷിയുള്ള യുഎസ് ബി2 ബോംബര്‍ വിമാനങ്ങള്‍ ഉപയോഗിച്ചാണ് ആക്രമണം നടത്തിയെന്നാണ് റിപ്പോര്‍ട്ടുകള്‍.

ആക്രമണം നടത്തിയതായി സ്ഥിരീകരിച്ച ട്രംപ് വിമാനങ്ങള്‍ സുരക്ഷിതമായി മടങ്ങിയെന്നും ട്വിറ്ററില്‍ കുറിച്ചു. ഇനി സമാധാനത്തിന്റെ യുഗമെന്നും ട്രംപ് പറഞ്ഞു. ഇരു രാജ്യങ്ങളും പരസ്പരം ആക്രമണം തുടങ്ങി പത്താം ദിവസമാണ് അമേരിക്ക നേരിട്ട് ഇസ്രാഈലിനെ സഹായിച്ച് രംഗത്തെത്തുന്നത്.

ALSO READ: ഇറാനെ മുറിവേല്‍പ്പിക്കാന്‍ യുഎസ് ഉപയോഗിച്ച അതിഭീമന്‍ 'ബങ്കര്‍ ബസ്റ്റര്‍'; അമേരിക്കന്‍ വെടിക്കോപ്പുകളിലെ മാരക ബോംബുകള്‍

യുദ്ധത്തില്‍ അമേരിക്ക കരസേനയെ വിന്യസിക്കില്ലെന്നും ഇറാന്റെ ആണവ കേന്ദ്രങ്ങളെ നിര്‍വീര്യമാക്കാന്‍ ഇസ്‌റാഈലിന് ഒറ്റക്ക് സാധിക്കില്ലെന്നും നിലവില്‍ ആക്രമണങ്ങള്‍ നിര്‍ത്തിവെക്കാന്‍ ഇസ്‌റാഈലിനോട് പറയാനാകില്ലെന്നും ട്രംപ് കഴിഞ്ഞ ദിവസം വിശദീകരിച്ചിരുന്നു.

Following attacks on Iranian nuclear sites, US cities like New York and Washington are on high alert, with additional forces deployed.