തെഹ്‌റാന്‍: ഇസ്‌റാഈലിനെ സൈനികമായി പിന്തുണയ്ക്കുകയും സഹായിക്കുകയും ചെയ്യുന്ന ഏതൊരു രാജ്യത്തെയും ഉന്നമിടുമെന്ന ഇറാന്‍ സൈന്യം. ഇറാനിലെ ആണവ കേന്ദ്രങ്ങള്‍ക്കു നേരെ നടന്ന അമേരിക്കന്‍ ആക്രമണങ്ങള്‍ക്ക് പിന്നാലെയാണ് ഇറാന്‍ സൈന്യത്തിന്റെ പ്രസ്താവന.

ALSO READ: ഇറാനില്‍ നേരിട്ട് ആക്രമണം നടത്തി അമേരിക്ക; മൂന്ന് ആണവ കേന്ദ്രങ്ങളില്‍ ആക്രമണം നടത്തിയതായി ട്രംപ്

'ഇസ്‌റാഈലിലേക്ക് വിമാനമാര്‍ഗമോ കപ്പല്‍ മാര്‍ഗമോ സൈനിക സഹായം അയക്കുന്ന ഏതൊരു രാജ്യത്തെയും ഇറാനെതിരായ ആക്രമണത്തിലെ പങ്കാളികളായി കണക്കാക്കുകയും അവര്‍ ഇറാന്‍ സൈന്യത്തിന്റെ ലക്ഷ്യമാവുകയും ചെയ്യും' സൈനിക വക്താവ് സമൂഹമാധ്യത്തിമത്തില്‍ പങ്കുവെച്ച സന്ദേശത്തില്‍ പറയുന്നു.

ഇറാനിലെ മൂന്ന് ആണവകേന്ദ്രങ്ങള്‍ക്ക് നേരെ നടന്ന ആക്രമണങ്ങളോടെ മേഖലയിലെ പ്രതിസന്ധി കൂടുതല്‍ രൂക്ഷമാവുകയാണ്. ഫെര്‍ദോ, നതാന്‍സ്, ഇസ്ഫഹാന്‍ എന്നീ ആണവകേന്ദ്രങ്ങളിലാണ് അമേരിക്ക ആക്രമണം അഴിച്ചുവിട്ടത്. 

ALSO READ: ഇറാനിലെ ആണവ കേന്ദ്രങ്ങൾക്കെതിരായ ഇസ്റാഈൽ ആക്രമണങ്ങൾ; മാനുഷിക, പാരിസ്ഥിതിക ഭീഷണികളിൽ ആശങ്ക പ്രകടിപ്പിച്ച് ഗൾഫ് രാജ്യങ്ങൾ

ഫെര്‍ദോ, നതാന്‍സ്, ഇസ്ഹാന്‍ കേന്ദ്രങ്ങള്‍ ആക്രമിച്ചതായി പ്രസിഡന്റ് ഡൊണാള്‍ഡ് ട്രംപ് അറിയിച്ചിരുന്നു. ഉഗ്രപ്രഹര ശേഷിയുള്ള യുഎസ് ബി2 ബോംബര്‍ വിമാനങ്ങള്‍ ഉപയോഗിച്ചാണ് ആക്രമണം നടത്തിയെന്നാണ് റിപ്പോര്‍ട്ടുകള്‍.

ആക്രമണം നടത്തിയതായി സ്ഥിരീകരിച്ച ട്രംപ് വിമാനങ്ങള്‍ സുരക്ഷിതമായി മടങ്ങിയെന്നും ട്വിറ്ററില്‍ കുറിച്ചു. ഇനി സമാധാനത്തിന്റെ യുഗമെന്നും ട്രംപ് പറഞ്ഞു. ഇരു രാജ്യങ്ങളും പരസ്പരം ആക്രമണം തുടങ്ങി പത്താം ദിവസമാണ് അമേരിക്ക നേരിട്ട് ഇസ്രാഈലിനെ സഹായിച്ച് രംഗത്തെത്തുന്നത്.

യുദ്ധത്തില്‍ അമേരിക്ക കരസേനയെ വിന്യസിക്കില്ലെന്നും ഇറാന്റെ ആണവ കേന്ദ്രങ്ങളെ നിര്‍വീര്യമാക്കാന്‍ ഇസ്‌റാഈലിന് ഒറ്റക്ക് സാധിക്കില്ലെന്നും നിലവില്‍ ആക്രമണങ്ങള്‍ നിര്‍ത്തിവെക്കാന്‍ ഇസ്‌റാഈലിനോട് പറയാനാകില്ലെന്നും ട്രംപ് കഴിഞ്ഞ ദിവസം വിശദീകരിച്ചിരുന്നു.

ആണവ കേന്ദ്രങ്ങള്‍ ആക്രമിച്ചതിനു തൊട്ടുപിന്നാലെ ശക്തമായ തിരിച്ചടി നല്‍കുമെന്ന് ഇറാന്‍ അറിയിച്ചു. യുഎസിന് നേരെ കനത്ത പ്രത്യാക്രമണം ഉണ്ടാകുമെന്ന് ഇറാന്‍ അറിയിച്ചു. പശ്ചിമേഷ്യയിലെ അമേരിക്കന്‍ സൈനിക താവളങ്ങള്‍ ഇറാന്‍ ലക്ഷ്യമിടുമെന്നാണ് പുറത്തുവരുന്ന സൂചനകള്‍ വ്യക്തമാക്കുന്നത്. 

Iran's military warns it will target any country providing military support to Israel, escalating regional tensions amid ongoing conflict.