തെഹ്‌റാന്‍: ഇറാനിലെ ആണവ കേന്ദ്രങ്ങള്‍ ആക്രമിച്ചതു സംബന്ധിച്ച് അമേരിക്കന്‍ പ്രസിഡന്റ് ഡോണാള്‍ഡ് ട്രംപ് പറയുന്നത് നുണയെന്ന് ഇറാനിയന്‍ എംപി മനാന്‍ റെയ്‌സി. ഇറാനിലെ കോം മേഖലയില്‍ നിന്നുള്ള എംപിയാണ് മനാന്‍ റെയ്‌സി. യുഎസ് ആക്രമണങ്ങളില്‍ തങ്ങളുടെ ആണവ കേന്ദ്രങ്ങള്‍ക്ക് കാര്യമായ നാശനഷ്ടമുണ്ടായിട്ടില്ലെന്നും ഇറാന്‍ എംപി വ്യക്തമാക്കി. 

ALSO READ: ഇറാനില്‍ നേരിട്ട് ആക്രമണം നടത്തി അമേരിക്ക; മൂന്ന് ആണവ കേന്ദ്രങ്ങളില്‍ ആക്രമണം നടത്തിയതായി ട്രംപ്

ഫോര്‍ദോയിലെ ആണവ കേന്ദ്രത്തിന് കാര്യമായ തകരാറുകള്‍ സംഭവിച്ചിട്ടില്ലെന്നും ചെറിയ ചില കേടുപാടുകള്‍ മാത്രമാണുണ്ടായതെന്നും അദ്ദേഹം കൂട്ടിച്ചേര്‍ത്തു. ഇത് പരിഹരിക്കാന്‍ കഴിയുന്നതാണെന്നും അദ്ദേഹം പറഞ്ഞു. 

അമേരിക്കന്‍ ആക്രമണങ്ങളെ തുടര്‍ന്ന് ആണവ ചോര്‍ച്ച ഉണ്ടായിട്ടില്ലെന്നും അദ്ദേഹം അവകാശപ്പെട്ടു. ഇന്ന് പലര്‍ച്ചെയാണ് അമേരിക്ക ഇറാന്റെ ആണവേ കേന്ദ്രങ്ങള്‍ക്ക് നേരെ ആക്രമണം നടത്തിയത്.

ഫോർദോ, നതാൻസ്, ഇസ്ഹാൻ കേന്ദ്രങ്ങൾ ആക്രമിച്ചതായി പ്രസിഡന്റ് ഡൊണാൾഡ് ട്രംപ് അറിയിച്ചിരുന്നു. ഉഗ്രപ്രഹര ശേഷിയുള്ള യുഎസ് ബി2 ബോംബർ വിമാനങ്ങൾ ഉപയോഗിച്ചാണ് ആക്രമണം നടത്തിയെന്നാണ് റിപ്പോർട്ടുകൾ.

ആക്രമണം നടത്തിയതായി സ്ഥിരീകരിച്ച ട്രംപ് വിമാനങ്ങൾ സുരക്ഷിതമായി മടങ്ങിയെന്നും ട്വിറ്ററിൽ കുറിച്ചു. ഇനി സമാധാനത്തിന്റെ യുഗമെന്നും ട്രംപ് പറഞ്ഞു. ഇരു രാജ്യങ്ങളും പരസ്പരം ആക്രമണം തുടങ്ങി പത്താം ദിവസമാണ് അമേരിക്ക നേരിട്ട് ഇസ്രാഈലിനെ സഹായിച്ച് രംഗത്തെത്തുന്നത്.

ALSO READ: ഇറാനില്‍ നിന്ന് ആശ്വാസത്തോടെ നാട്ടിലെത്തി ആദ്യമലയാളി യുവതി ഫാദില; ഇന്ന് 600 പേര്‍ കൂടെ ഇന്ത്യയിലെത്തും

യുദ്ധത്തിൽ അമേരിക്ക കരസേനയെ വിന്യസിക്കില്ലെന്നും ഇറാന്റെ ആണവ കേന്ദ്രങ്ങളെ നിർവീര്യമാക്കാൻ ഇസ്‌റാഈലിന് ഒറ്റക്ക് സാധിക്കില്ലെന്നും നിലവിൽ ആക്രമണങ്ങൾ നിർത്തിവെക്കാൻ ഇസ്‌റാഈലിനോട് പറയാനാകില്ലെന്നും ട്രംപ് കഴിഞ്ഞ ദിവസം വിശദീകരിച്ചിരുന്നു.

Iran rejects former U.S. President Donald Trump’s claims of successful attacks, insisting its nuclear facilities remain intact.