തെഹ്‌റാന്‍: ഇറാന്‍-ഇസ്‌റാഈല്‍ യുദ്ധത്തിന്റെ പത്താം ദിവസമായ ഇന്നാണ് അമേരിക്ക മേഖലയിലെ സംഘര്‍ഷത്തില്‍ നേരിട്ട് ഇടപെട്ടത്. ദിവസങ്ങള്‍ക്ക് മുമ്പ് ബങ്കര്‍ ബസ്റ്റര്‍ ബോംബുകള്‍ക്കായി ഇസ്‌റാഈല്‍ അമേരിക്കയെ സമീപിച്ചതായി നേരത്തേ റിപ്പോര്‍ട്ടുകള്‍ ഉണ്ടായിരുന്നു. ഇത് ശരി വെക്കുന്നതാണ് ഇന്നത്തെ അമേരിക്കന്‍ ആക്രമണം.

ALSO READ: ഇറാനില്‍ നേരിട്ട് ആക്രമണം നടത്തി അമേരിക്ക; മൂന്ന് ആണവ കേന്ദ്രങ്ങളില്‍ ആക്രമണം നടത്തിയതായി ട്രംപ്

ഇറാനിലെ മൂന്ന് ആണവ കേന്ദ്രങ്ങള്‍ക്ക് നേരെ അമേരിക്കന്‍ യുദ്ധ വിമനങ്ങള്‍ ആക്രമണം നടത്തിയ കാര്യം യുഎസ് പ്രസിഡന്റ് ഡോണാള്‍ഡ് ട്രംപ് തന്നെയാണ് ലോകത്തെ അറിയിച്ചത്. 

ഇറാന്റെ ആണവ പദ്ധതിയില്‍ ഏറെ നിര്‍ണായകമെന്ന് കരുതുന്ന ഫെര്‍ദോയിലും മറ്റു രണ്ടിടത്തുമാണ് അമേരിക്ക ആക്രമണം നടത്തിയത്. വിമാനങ്ങള്‍ നിലവില്‍ ഇറാന്റെ വ്യോമാതിര്‍ത്തിക്ക് പുറത്താണെന്ന് ട്രംപ് പ്രസ്താവനയില്‍ പറഞ്ഞിരുന്നു.

ജൂണ്‍ 12നാണ് ഇസ്‌റാഈല്‍ ഇറാനില്‍ ആക്രമണം നടത്തിയത്. ഏറെക്കാലമായി ഇരുരാജ്യങ്ങളും തുടര്‍ന്നിരുന്ന ശീതയുദ്ധം നേരിട്ടുള്ള ഏറ്റമുട്ടലിലേക്ക് നായിച്ചതും ഇതുതന്നെ. സംഘര്‍ഷം തുടങ്ങി ഏതാനും ദിവസങ്ങള്‍ക്കകം അമേരിക്കയും യുദ്ധത്തിന്റെ ഭാഗമാകുമെന്ന് റിപ്പോര്‍ട്ടുകള്‍ ഉണ്ടായിരുന്നു. മധ്യ പൂര്‍വേഷ്യയിലെ സംഘര്‍ഷംങ്ങള്‍ക്ക് ആക്കം കൂട്ടാനേ അമേരിക്കന്‍ ഇടപെടല്‍ കാരണമാകൂ എന്നാണ് വിദഗ്ധര്‍ പറയുന്നത്.

ഇറാന്റെ ഫോര്‍ദോ ആണവ കേന്ദ്രം പോലുള്ള ആഴമേറിയതും ഉറപ്പുള്ളതുമായ ലക്ഷ്യസ്ഥാനങ്ങളിലേക്ക് ഏകദേശം 300 അടി ഭൂമിക്കടിയില്‍ തുളച്ചുകയറാന്‍ കഴിയുന്ന അമേരിക്കന്‍ നിര്‍മ്മിത 'ബങ്കര്‍ ബസ്റ്റര്‍' ബോംബുകള്‍ വേണമെന്ന് ഇസ്‌റാഈല്‍ ആദ്യമേ കണക്കുകൂട്ടിയിരുന്നു. യുഎസ് നിര്‍മ്മിത ബി2 യുദ്ധവിമാനങ്ങള്‍ക്ക് മാത്രമേ ഈ ബോംബുകള്‍ വഹിക്കാന്‍ കഴിയൂ. ഈ യുദ്ധ വിമാനങ്ങളാണ് ഇറാന്റെ ആണവേ കേന്ദ്രങ്ങള്‍ക്ക് മീതെ മിന്നല്‍പിണരുകള്‍ തീര്‍ത്തത്.

ഇസ്‌റാഈലിന്റെ  കൈവശമുള്ള ആയുധങ്ങള്‍ക്ക് ഭൂഗര്‍ഭ അറകളെ തകര്‍ക്കാനുള്ള ശേഷിയില്ല. ഭൂഗര്‍ഭ അറകളിലെ ആണവ കേന്ദ്രങ്ങല്‍ ലക്ഷ്യം വയ്ക്കാന്‍ 30,000 പൗണ്ട് ഭാരമുള്ള മാസിവ് ഓര്‍ഡനന്‍സ് പെനട്രേറ്റര്‍ (എംഒപി) ബോംബുകള്‍ അല്ലെങ്കില്‍ 'ബങ്കര്‍ബസ്റ്ററുകള്‍' ആവശ്യമാണ്.

യുഎസ് വ്യോമസേനയുടെ അഭിപ്രായത്തില്‍, നന്നായി സംരക്ഷിക്കപ്പെട്ട സൗകര്യങ്ങളില്‍ സ്ഥാപിച്ചിരിക്കുന്ന കൂട്ട നശീകരണ ആയുധങ്ങള്‍ നശിപ്പിക്കുന്നതിനായി രൂപകല്‍പ്പന ചെയ്ത ഒരു ആയുധ സംവിധാനമാണ് മാസിവ് ഓര്‍ഡനന്‍സ് പെനട്രേറ്റര്‍ (എംഒപി). യുഎസ് ബി2 ബോംബര്‍ വിമാനങ്ങള്‍ക്ക്‌ മാത്രമേ ഇത് എത്തിക്കാന്‍ കഴിയൂ.

ALSO READ: ഇറാനില്‍ നിന്ന് ആശ്വാസത്തോടെ നാട്ടിലെത്തി ആദ്യമലയാളി യുവതി ഫാദില; ഇന്ന് 600 പേര്‍ കൂടെ ഇന്ത്യയിലെത്തും

'ബങ്കര്‍ ബസ്റ്റര്‍' എന്നും അറിയപ്പെടുന്ന ഗൈഡഡ് ബോംബ് യൂണിറ്റ് (GBU) 57, ബങ്കറുകള്‍ തുരങ്കങ്ങള്‍ തുടങ്ങിയ ആഴത്തില്‍ സ്ഥാപിച്ചിട്ടുള്ള ലക്ഷ്യങ്ങളെ ആക്രമിക്കാന്‍ രൂപകല്‍പ്പന ചെയ്ത ഒരു വലിയ, GPSഗൈഡഡ് ആയുധമാണെന്ന് പ്രതിരോധ വകുപ്പിന്റെ ഓഫീസ് പറയുന്നു. 

ബോംബിന് 200 അടിയിലധികം ദൂരം കോൺക്രീറ്റ് തുരന്ന് പൊട്ടിത്തെറിക്കാൻ കഴിയും. സ്റ്റീൽ അലോയ് കൊണ്ട് നിർമ്മിച്ച ഇതിന്റെ കേസിംഗ്, തുളച്ചുകയറ്റത്തിലെ ഭീമമായ ആഘാത ശക്തികളെ ചെറുക്കാൻ സഹായിക്കുന്നു. MOP യുടെ സ്ഫോടനാത്മക ശക്തി അതിന്റെ മുൻഗാമിയായ BLU-109 നെക്കാൾ 10 മടങ്ങ് കൂടുതലാണെന്ന് വ്യോമസേന പറയുന്നു.

വലിപ്പവും ഭാരവും കാരണം, B-2 സ്പിരിറ്റ് സ്റ്റെൽത്ത് ബോംബറിന് മാത്രമേ MOP വഹിക്കാനും വിന്യസിക്കാനും കഴിയൂ.

The U.S. has deployed powerful 'bunker buster' bombs capable of penetrating deep underground, targeting Iran's fortified sites.