ന്യൂഡല്‍ഹി: പഹല്‍ഗാം ഭീകരാക്രമണത്തില്‍ ഭീകരര്‍ക്ക് സഹായം നല്‍കിയ രണ്ടുപേരെ അറസ്റ്റ് ചെയ്തതായി എന്‍ഐഎ. പ്രദേശവാസികളായ പര്‍വേസ് അഹമ്മദ് ജോത്തര്‍, ബഷീര്‍ അഹമ്മദ് ജോത്തര്‍ എന്നിവരാണ് പിടിയിലായത്. ഭീകരര്‍ക്ക് അഭയം നല്‍കിയെന്ന കേസിലാണ് പ്രതികളെ അറസ്റ്റ് ചെയ്തതെന്ന് എന്‍ഐഎ അറിയിച്ചു. 

പാക് പൗരന്‍മാരായ മൂന്ന് ലഷ്‌കറെ ത്വയ്ബ ഭീകരരാണ് പഹല്‍ഗാമില്‍ ആക്രമണം നടത്തിയതെന്ന് പിടിയിലായവര്‍ മൊഴി നല്‍കിയെന്നാണ് റിപ്പോര്‍ട്ട്. ആക്രമണത്തിന് മുന്‍പ് വിനോദ സഞ്ചാര കേന്ദ്രത്തിന് സമീപത്തെ ഒരു കുടിലിലാണ് മൂന്ന് ഭീകരര്‍ താമസിച്ചതെന്നും, ഇവര്‍ക്ക് താമസത്തിനും, ഭക്ഷണത്തിനും സഹായം നല്‍കിയവരെയാണ് ഇപ്പോള്‍ പിടികൂടിയതെന്നും എന്‍ഐഎ വ്യക്തമാക്കി. 

കഴിഞ്ഞ ഏപ്രില്‍ 22നാണ് ജമ്മു കശ്മീരിലെ പഹല്‍ഗാമില്‍ വിനോദ സഞ്ചാരത്തിനെത്തിയ വിനോദ സഞ്ചാരികള്‍ക്ക് നേരെ തീവ്രവാദികള്‍ വെടിയുതിര്‍ത്തത്. ആക്രമണത്തില്‍ 26 പേരാണ് കൊല്ലപ്പെട്ടത്. സംഭവത്തില്‍ പാകിസ്താന്‍ ബന്ധമുള്ള ദി റസിസ്റ്റന്റ് ഫ്രണ്ട് എന്ന ഭീകരവാദ സംഘടനക്ക് നേരിട്ട് ബന്ധമുള്ളതായി അന്വേഷണ ഏജന്‍സി കണ്ടെത്തിയിരുന്നു. ജമ്മു കശ്മീര്‍ പൊലിസ് അന്വേഷിച്ച കേസ് ഭീകരരുടെ രാജ്യാന്തര ബന്ധം വെളിവായതോടെയാണ് എന്‍ഐഎ ഏറ്റെടുത്തത്. 

ALSO READ: തിരിച്ചടിച്ച് ഇറാന്‍; ഇസ്‌റാഈലില്‍ ബാലിസ്റ്റിക് മിസൈല്‍ വര്‍ഷം, വന്‍ നാശനഷ്ടം; പത്തിടങ്ങളില്‍ നേരിട്ട് പതിച്ചു

National Investigation Agency (NIA) has arrested two individuals in connection with the Pahalgam terror attack for allegedly providing support to the militants. The arrested persons have been identified as Parvez Ahmad Jothar and Basheer Ahmad Jothar, both residents of the area