ബെയ്ജിംഗ്: യുദ്ധങ്ഹളുടെ രീതിയെ തന്നെ മാറ്റാന്‍ കെല്‍പുള്ള പുതിയ വജ്രായുധവുമായി ചൈന. കൊതുകിന്റെ വലിപ്പമുള്ള വളരെ ചെറിയ ഡ്രോണുകള്‍ ചൈനയിലെ ശാസ്ത്രജ്ഞര്‍ വികസിപ്പിച്ചതായി റിപ്പോര്‍ട്ട്. സൗത്ത് ചൈന മോര്‍ണിംഗ് പോസ്റ്റിന്റേതാണ് (എസ്.സി.എം.പി) റിപ്പോര്‍ട്ട്. സൈനിക ആവശ്യങ്ങള്‍ക്കായി പുതിയ മൈക്രോ ഡ്രോണുകള്‍ വികസിപ്പിച്ചതെന്നാണ് വിശദീകരണം. സൈനിക, പ്രതിരോധ ആവശ്യങ്ങള്‍ക്ക് പുറമെ വിവിധ ആവശ്യങ്ങള്‍ക്ക് ഉപയോഗിക്കാവുന്ന ചെറുതും ഒതുക്കമുള്ളതുമായ ഡ്രോണുകളാണ് മൈക്രോ ഡ്രോണുകള്‍.

മധ്യ ചൈനയിലെ ഹുനാന്‍ പ്രവിശ്യയിലെ നാഷണല്‍ യൂണിവേഴ്സിറ്റി ഓഫ് ഡിഫന്‍സ് ടെക്നോളജിയിലെ (എന്‍.യു.ഡി.ടി) റോബോട്ടിക്സ് ലബോറട്ടറിയാണ് മൈക്രോ ഡ്രോണ്‍ വികസിപ്പിച്ചത്. വാരാന്ത്യത്തില്‍ സിസിടിവി 7 (ചൈന സെന്‍ട്രല്‍ ടെലിവിഷന്റെ സൈനിക ചാനല്‍) ല്‍ ഗവേഷകര്‍ ഈ പ്രോട്ടോടൈപ്പ് പ്രദര്‍ശിപ്പിച്ചതായും റിപ്പോര്‍ട്ട് ചൂണ്ടിക്കാട്ടുന്നു.

Chinese military unveils mosquito-sized drones that can perform battlefield missions | Christopher McFadden, Interesting Engineering

The drone features a pair of flapping “wings” and “legs” and is designed for covert military operations.

China’s National University of Defence… pic.twitter.com/V1VZz5w3Ft

— Owen Gregorian (@OwenGregorian) June 22, 2025

യുദ്ധക്കളത്തിലെ വിവര നിരീക്ഷണത്തിനും പ്രത്യേക ദൗത്യങ്ങള്‍ക്കും ഏറെ അനുയോജ്യമാണ് ഇത്തരം മിനിയേച്ചര്‍ ബയോണിക് റോബോട്ടുകളെന്ന്  എന്‍.യു.ഡി.ടിയിലെ വിദ്യാര്‍ഥിയായ ലിയാങ് ഹെക്സിയാങ് ചൈന സെന്‍ട്രല്‍ ടെലിവിഷന്റെ സൈനിക ചാനലായ സിസിടിവിയോട് പറഞ്ഞു.

'ഇതാ എന്റെ കൈയില്‍ കൊതുകിനെപ്പോലുള്ള ഒരു തരം റോബോട്ട് ഉണ്ട്. ഇതുപോലുള്ള മിനിയേച്ചര്‍ ബയോണിക് റോബോട്ടുകള്‍ യുദ്ധക്കളത്തിലെ വിവര നിരീക്ഷണത്തിനും പ്രത്യേക ദൗത്യങ്ങള്‍ക്കും പ്രത്യേകിച്ചും അനുയോജ്യമാണ്' ലിയാങ് പറഞ്ഞു. 

The Chinese military unveils a tiny drone the size of a mosquito.

The creators believe such a drone is nearly impossible to detect, making it ideal for reconnaissance. A compact handheld device is all that's needed for control.

China is ahead of the rest of the world... pic.twitter.com/thfCzIcchy

— Alexeï (@jeanlol67573289) June 21, 2025

ഏകദേശം 1.3 സെന്റീമീറ്റര്‍ നീളമുള്ള, കൊതുകിന്റെ വലിപ്പമുള്ള ഡ്രോണിന് ഇരുവശത്തും ഇല പോലുള്ള രണ്ട് ചിറകുകളും നേര്‍ത്ത മൂന്ന് കാലുകളുമുണ്ട്. ഒരു സ്മാര്‍ട്ട്‌ഫോണ്‍ ഉപയോഗിച്ചാണ് ഈ ഡ്രോണുകള്‍ നിയന്ത്രിക്കുന്നത്.

ALSO READ: 'ബലപ്രയോഗത്തിലൂടെ സമാധാനം കൊണ്ടുവരാനാവില്ല' യു.എസിന്റെ ഇറാന്‍ ആക്രമണത്തില്‍ യു.എന്നില്‍ കടുത്ത വിമര്‍ശനം, അടിയന്തര വെടിനിര്‍ത്തല്‍ വേണമെന്ന് ആവശ്യം

ഇത്തരം മിനിയേച്ചര്‍ ഡ്രോണുകള്‍ സൈനിക ആവശ്യങ്ങള്‍ക്ക് ഏറെ നിര്‍ണായകമാണ്. രഹസ്യാന്വേഷണ ദൗത്യങ്ങള്‍ക്കാണ് ഇവ കൂടുതലായും ഉപയോഗിക്കുക. അതേസമയം, ബാറ്ററികള്‍ ചെറുതായതിനാല്‍ സാധാരണയായി അവയ്ക്ക് പറക്കല്‍ സമയം കുറവാണ്. എന്നിരുന്നാലും സെന്‍സര്‍ സാങ്കേതികവിദ്യ, ആര്‍ട്ടിഫിഷ്യല്‍ ഇന്റലിജന്‍സ് (എഐ) എന്നിവയെ ഉപയോഗപ്പെടുത്തി മൈക്രോഡ്രോണുകളുടെ കഴിവുകള്‍ വര്‍ധിപ്പിക്കാന്‍ സാധിക്കുമെന്നാണ് ശാസ്ത്രജ്ഞരുടെ വാദം.