താനെ: കിടപ്പിലായ ഭാര്യയെ കൊലപ്പെടുത്തിയ 71 വയസുകാരനായ ഭർത്താവിന് താനെ കോടതി ജീവപര്യന്തം കഠിന തടവും 50,000 രൂപ പിഴയും വിധിച്ചു. അഡീഷണൽ സെഷൻസ് ജഡ്ജി വി.എൽ. ഭോസാലെ സംഭവത്തെ മനഃപൂർവം ആസൂത്രണം ചെയ്ത കൊലപാതകമായി വിശേഷിപ്പിച്ചു.

2019 നവംബർ 8-ന് താനെയിലെ വാഗലെ എസ്റ്റേറ്റിലുള്ള വീട്ടിലാണ് ഭാര്യ ശാരദയെ മരണപ്പെടുന്നത്.പ്രതി ശോഭനാഥ് മക്കളിലൊരാളെ വിവരമറിയിച്ചെങ്കിലും, മൃതദേഹത്തിന്റെ കഴുത്തിലെ സംശയാസ്പദമായ മുറിവുകളും മരുന്ന് പുരട്ടിയ നിലയും മകന്റെ ശ്രദ്ധയിൽപ്പെട്ടു. തുടർന്ന് അവൻ പൊലീസിൽ പരാതി നൽകി. പോസ്റ്റ്‌മോർട്ടം റിപ്പോർട്ട് ശാരദയുടെ മരണം ശ്വാസംമുട്ടിച്ചത് മൂലമാണെന്ന് സ്ഥിരീകരിച്ചു.

അഡീഷണൽ പബ്ലിക് പ്രോസിക്യൂട്ടർ ആർ.പി. പാട്ടീൽ പറഞ്ഞതനുസരിച്ച്, ദമ്പതികൾക്കിടയിലെ കുടുംബതർക്കമാണ് കൊലപാതകത്തിന് കാരണമായത്. ആദ്യ വിവാഹത്തിൽ മൂന്ന് മക്കളുള്ള വിധവയായ ശാരദ ശോഭനാഥിനെ വിവാഹം ചെയ്തിരുന്നു. ശാരദയുടെ ആദ്യ ഭർത്താവിന്റെ സ്വത്ത് വിറ്റ് നിർമിച്ച മുറിയുടെ ഉടമസ്ഥതയെച്ചൊല്ലി തർക്കം നിലനിന്നിരുന്നു. ശാരദ തന്റെ വിഹിതം ഇളയ മകന് നൽകണമെന്നും, ശോഭനാഥ് മൂത്ത മകന് നൽകണമെന്നും ആവശ്യപ്പെട്ട് വഴക്കുണ്ടായിരുന്നു.

2019 ജൂണിൽ ശാരദ കിടപ്പിലായി, പരിചരണത്തിനായി ശോഭനാഥിനെ പൂർണമായും ആശ്രയിച്ചു. ശാരദയുടെ മക്കളായ വിശാൽ, അമോൽ യാദവ് എന്നിവർ ശോഭനാഥ് അവരെ കൊല്ലുമെന്ന് ഭീഷണിപ്പെടുത്തിയിരുന്നതായി മൊഴി നൽകി. എന്നാൽ, പ്രതിഭാഗം അഭിഭാഷകൻ സന്ദീപ് യെവാലെ ഇത് ആത്മഹത്യയാണെന്ന് വാദിച്ചെങ്കിലും കോടതി തള്ളുകയായിരുന്നു.

A Thane court sentenced 71-year-old Shobhnath Rajeshwar Shukla to life imprisonment for murdering his bedridden wife Sharada in 2019. The motive was a dispute over the property inherited from Sharada's first husband. The court termed it a premeditated murder and imposed a ₹50,000 fine in addition to life imprisonment.