കൊച്ചി: ലോകത്തെ ആശങ്കയുടെ മുല്‍മുനയില്‍ നിര്‍ത്തിയ ഇറാന്‍- ഇസ്‌റാഈല്‍ സംഘര്‍ഷത്തിന് താല്‍ക്കാലിയ വിരാമമായേക്കുമെന്ന സൂചനയില്‍ വിപണിയിലും പ്രതീക്ഷയുടെ പൊന്‍തിളക്കം. ആഗോള വിപണിയിലും കേരള വിപണിയിലും കുറഞ്ഞിരിക്കുകയാണ് സ്വര്‍ണവില. ആഭരണം വാങ്ങാന്‍ കാത്തിരിക്കുന്നവര്‍ക്ക് ഏറെ പ്രതീക്ഷ നല്‍കുന്നതാണ് ഇത്. മാത്രമല്ല ഇതേ സാഹചര്യമാണ് നിലനില്‍ക്കുന്നതെങ്കില്‍ വരും ദിവസങ്ങളിലും വില കുറയുമെന്ന് റിപ്പോര്‍ട്ടുകള്‍ സൂചിപ്പിക്കുന്നു. 

വെടിനിര്‍ത്തലിന് പിന്നാലെ വില കുറഞ്ഞു
ഇസ്‌റാഈലും ഇറാനും തമ്മില്‍ വെടിനിര്‍ത്തലിന് ധാരണയായെന്ന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ പ്രഖ്യാപനമാണ് ഇപ്പോള്‍ വില കുറയാന്‍ കാരണമെന്ന് വിദഗ്ധര്‍ ചൂണ്ടിക്കാട്ടുന്നു. ഓഹരി വിപണിയിലും മുന്നേറ്റം പ്രകടമാണ്. ക്രൂഡ് ഓയില്‍ വിലയും കുറഞ്ഞിട്ടുണ്ട്. ഡോളര്‍ കരുത്ത് കുറഞ്ഞതോടൊപ്പം ഇന്ത്യന്‍ രൂപ കരുത്ത് വര്‍ധിപ്പിച്ചു. വെടിനിര്‍ത്തല്‍ നിലവില്‍ വന്നതായി ട്രംപ് പ്രഖ്യാപിച്ചെന്ന് അല്‍ ജസീറ റിപ്പോര്‍ട്ട് ചെയ്യുന്നു. ഇസ്‌റാഈല്‍ തുടക്കമിട്ട യുദ്ധത്തില്‍ പിന്നീട് അവര്‍ക്കൊപ്പം അമേരിക്കയും ചേര്‍ന്നിരുന്നു. എന്നാല്‍ അമേരിക്കയുടെ ഖത്തറിലെ സൈനികത്താവളത്തിന് നേരെ മിസൈല്‍ അയച്ച് ഇറാന്‍ കനത്ത മുന്നറിപ്പാണ് അമേരിക്കക്ക് നല്‍കിയത്. തുടര്‍ന്നാണ് വെടിനിര്‍ത്തല്‍ നിര്‍ദ്ദേശവുമായി പ്രസിഡന്റ് ട്രംപ് രംഗത്തെത്തിയത്. 

ഇന്നത്തെ സ്വര്‍ണവില
600 രൂപയാണ് ഇന്ന് പവന് കുറഞ്ഞിരിക്കുന്നത്. 22 കാരറ്റ് സ്വര്‍ണത്തിനാണിത്. 18 കാരറ്റിന് 488 രൂപയാണ് പവന് കുറഞ്ഞിരിക്കുന്നത്. 

കേരളത്തില്‍ ഇന്ന് ഒരു പവന്‍ 22 കാരറ്റ് ിന് 73240 രൂപയാണ് വില. ഗ്രാമിന് 9155 രൂപയും. 18 കാരറ്റ് സ്വര്‍ണം ഗ്രാമിന് 60 രൂപ കുറഞ്ഞ് 7510 രൂപയായി. വെള്ളിയുടെ വിലയും ഇന്ന് കുറഞ്ഞിട്ടുണ്ട്. ഗ്രാമിന് 2 രൂപ കുറഞ്ഞ് 116 രൂപയിലെത്തിയിരിക്കുകയാണ് വെള്ളി വില. രാജ്യാന്തര വിപണിയില്‍ ഔണ്‍സ് സ്വര്‍ണത്തിന് വില 3352 ഡോളറായി കുറഞ്ഞിട്ടുണ്ട്. ഇതെല്ലാം പരിഗണിച്ചാണ് കേരളത്തിലെ ജ്വല്ലറി വ്യാപാരികള്‍ വില കുറക്കുന്നത്.

വിലവിരം നോക്കാം
24 കാരറ്റ്
ഗ്രാമിന് 82 രൂപ കുറഞ്ഞു 9,987
പവന് 656 രൂപ കുറഞ്ഞു  79,896

22കാരറ്റ്
ഗ്രാമിന് 75 രൂപ കുറഞ്ഞു 9,155
പവന് 600 രൂപ കുറഞ്ഞു 73,240

18 കാരറ്റ്
ഗ്രാമിന് 61 രൂപ കുറഞ്ഞു 7,491
പവന് 488 രൂപ കുറഞ്ഞു 59,928

സ്വര്‍ണം വാങ്ങുന്നവര്‍ ചെയ്യേണ്ടത്
ഇന്ന് സ്വര്‍ണം വാങ്ങാന്‍ ആഗ്രഹിക്കുന്നവര്‍ അഡ്വാന്‍സ് ബുക്ക് ചെയ്യുന്നതാണ് നല്ലത്. വരും ദിവസങ്ങളില്‍ വില കൂടിയാലും ആശങ്ക ഒഴിവാക്കാനുള്ള മാര്‍ഗമാണിത്. മാത്രമല്ല വരും ദിവസങ്ങളില്‍ വില കുറയുകയാണെങ്കിലും ഈ രീതി നല്ലതാണ്. ബുക്ക് ചെയ്യുന്ന സമയത്തെ വില, വാങ്ങുന്ന സമയത്തെ വില എന്നിവയില്‍ കുറവുള്ളത് ഏതാണോ, ആ വിലയ്ക്ക് സ്വര്‍ണം വാങ്ങാന്‍ അഡ്വാന്‍സ് ബുക്കിങിലൂടെ സാധിക്കും എന്നതാണ് ഇതിന്റെ സൗകര്യം.

ഇടപാടുകളില്‍ ജാഗ്രത വേണം
ബില്ല് എപ്പോഴും സൂക്ഷിച്ചു വെക്കണം. ബുക്ക് ചെയ്യുന്ന വേളയില്‍ തന്നെ പണിക്കൂലി, നികുതി, ഹാള്‍മാര്‍ക്കിങ് ചാര്‍ജ്, തിരിച്ചു വില്‍ക്കുമ്പോഴുള്ള വില, ബുക്കിങ് കാലാവധി എന്നിവ വ്യക്തമായി ചോദിച്ചിരിക്കണം. ഇന്ന് ഒരു പവന്‍ ആഭരണം വാങ്ങുന്നവര്‍ക്ക് കുറഞ്ഞ പണിക്കൂലി കണക്കാക്കിയാല്‍ 79500 രൂപ ചെലവ് വരുമെന്ന് പ്രതീക്ഷിക്കാം.

Date	Price of 1 Pavan Gold (Rs.)
1-Jun-25	Rs. 71,360 (Lowest of Month)
2-Jun-25 (Morning)	71600
2-Jun-25 (Evening)	72480
3-Jun-25	72640
4-Jun-25	72720
5-Jun-25	73040
6-Jun-25	73040
7-Jun-25	71840
8-Jun-25	71840
9-Jun-25	71640
10-Jun-25	71560
11-Jun-25	72160
12-Jun-25	72800
13-Jun-25	74360
14-Jun-25	Rs. 74,560 (Highest of Month)
15-Jun-25	Rs. 74,560 (Highest of Month)
16-Jun-25	74440
17-Jun-25	73600
18-Jun-25	74000
19-Jun-25	74120
20-Jun-25	73680
21-Jun-25	73880
22-Jun-25	73880
23-Jun-25 Yesterday »	73840
24-Jun-25 Today »	Rs. 73,240