ഷാർജ: സർക്കാർ സ്ഥാപനങ്ങളിൽ ജോലിക്കാരെ നിയമിക്കുമ്പോൾ സ്വദേശികൾക്ക് മുൻഗണന നൽകണമെന്ന് ഷാർജ ഭരണാധികാരി. വിവിധ വകുപ്പുകളിലെ നിയമന അധികാരം വകുപ്പ് മേധാവികൾക്കും ഡയറക്ടർ ജനറലിനുമാണ്. ഷെയ്ഖ് ഡോ. സുൽത്താൻ ബിൻ മുഹമ്മദ് അൽ ഖാസിമി പ്രധാന തസ്തികകളിൽ സ്വദേശികൾക്ക് തന്നെ നിയമനം നൽകണമെന്ന് നിർദേശിച്ചു. നിയമന നിയമങ്ങൾ ലംഘിക്കുന്നവർക്കെതിരെ കർശന നടപടികൾ ഉണ്ടാകുമെന്നും ഉത്തരവിൽ വ്യക്തമാക്കുന്നു.

സർക്കാർ ജീവനക്കാർക്ക് നിരവധി ആനുകൂല്യങ്ങളും പ്രഖ്യാപിച്ചിട്ടുണ്ട്. ഇതിലൂടെ കൂടുതൽ സ്വദേശികൾ സർക്കാർ ജോലിയിലേക്ക് ആകർഷിക്കപ്പെടുമെന്നാണ് പ്രതീക്ഷ. വിവാഹത്തിനായി 8 ദിവസത്തെ അവധി അനുവദിക്കും. വാർഷിക അവധിക്ക് പുറമെ, രാജ്യത്തിനകത്തോ വിദേശത്തോ ചികിത്സയ്ക്കുള്ള അവധി, പ്രസവം, ശിശുപരിപാലനം, ഹജ്ജ്, മരണാനന്തര ചടങ്ങുകൾ എന്നിവയ്ക്കും അവധി ലഭിക്കും. കൂടാതെ, ജോലി മെച്ചപ്പെടുത്തുന്നതിനായി ജീവനക്കാർക്ക് എല്ലാ വർഷവും തൊഴിൽ പരിശീലനം നൽകും. സേവനകാലത്ത് തുടർ വിദ്യാഭ്യാസത്തിനുള്ള അവസരവും ലഭിക്കും.

എന്നാൽ, ഈ തീരുമാനം ഇന്ത്യക്കാർ ഉൾപ്പെടെയുള്ള വിദേശികൾക്ക് തിരിച്ചടിയാകും. നിലവിൽ പ്രധാന തസ്തികകളിൽ ജോലി ചെയ്യുന്ന വിദേശികളുടെ കാര്യത്തിൽ ഉടൻ തീരുമാനമെടുത്തേക്കുമെന്നും റിപ്പോർട്ടുകളുണ്ട്.

ഇനി മുതൽ വിദേശികൾക്ക് കരാർ അടിസ്ഥാനത്തിൽ മാത്രമേ ജോലി ലഭിക്കുകയുള്ളൂ. വിദേശ ജീവനക്കാർക്ക് വിരമിക്കൽ സമയത്ത് സേവനകാല ആനുകൂല്യങ്ങൾ ലഭിക്കും. എന്നാൽ, സേവനകാലത്തിനിടെ ജോലി ഉപേക്ഷിക്കുകയാണെങ്കിൽ ആനുകൂല്യങ്ങളിൽ 25 ശതമാനം നഷ്ടപ്പെടുമെന്നും ഉത്തരവിൽ പറയുന്നു.

The Ruler of Sharjah, Sheikh Dr. Sultan bin Muhammad Al Qasimi, has directed that Emiratis be given priority in government job appointments. Department heads and directors-general have been given the authority to make hiring decisions, with an emphasis on appointing Emiratis to key positions. The directive also warns of strict action against those who violate the hiring regulations [1].