ദുബൈ: യുഎഇ ആസ്ഥാനമായുള്ള എക്‌സ്‌ചേഞ്ച് ഹൗസിന് 2 മില്യണ്‍ ദിര്‍ഹം പിഴ ചുമത്തി യുഎഇ സെന്‍ട്രല്‍ ബാങ്ക് (CBUAE). കള്ളപ്പണം വെളുപ്പിക്കല്‍ വിരുദ്ധ (AML) നടപടികളും തീവ്രവാദ ധനസഹായം തടയല്‍ (CFT) നടപടിക്രമങ്ങളും പാലിക്കാത്തതിനെ തുടര്‍ന്നാണ്  നടപടി. സെന്‍ട്രല്‍ ബാങ്കിന്റെ പരിശോധനയിലാണ് എക്‌സ്ചേഞ്ച് ഹൗസിന്റെ ലംഘനങ്ങള്‍ കണ്ടെത്തിയത്.

ALSO READ: ഇറാൻ-ഇസ്റാഈൽ വെടിനിർത്തൽ കരാർ പ്രാബല്യത്തിൽ വന്നതിനു പിന്നാലെ ദുബൈയിലെ സ്വർണ വിലയിൽ ഇടിവ്; വാങ്ങാൻ അനുയോജ്യ സമയമെന്ന് വിദഗ്ധർ

കഴിഞ്ഞ ആഴ്ച, മറ്റൊരു മണി എക്‌സ്‌ചേഞ്ച് സ്ഥാപനമായ സുന്ദസ് എക്‌സ്‌ചേഞ്ചിന്റെ ലൈസന്‍സ് യുഎഇ സെന്‍ട്രല്‍ ബാങ്ക് റദ്ദാക്കുകയും കള്ളപ്പണം വെളുപ്പിക്കല്‍ വിരുദ്ധ ചട്ടങ്ങള്‍ ലംഘിച്ചതിന് 10 മില്യണ്‍ ദിര്‍ഹം പിഴ ചുമത്തുകയും ചെയ്തിരുന്നു. ഈ നടപടിക്ക് പിന്നാലെയാണ് പുതിയ നടപടി.

എല്ലാ എക്‌സ്‌ചേഞ്ച് ഹൗസുകളും അവയുടെ ഉടമകളും ജീവനക്കാരും യുഎഇ നിയമങ്ങള്‍ പാലിക്കുന്നുണ്ടെന്ന് ഉറപ്പാക്കാന്‍ മേല്‍നോട്ടവും നിയന്ത്രണവും ശക്തമാക്കുന്നതിന്റെ ഭാഗമാണ് ഈ നടപടിയെന്ന് യുഎഇ സെന്‍ട്രല്‍ ബാങ്ക് വ്യക്തമാക്കി. സാമ്പത്തിക കുറ്റകൃത്യങ്ങള്‍ തടയാന്‍ രൂപകല്‍പ്പന ചെയ്ത നിയന്ത്രണ ചട്ടക്കൂടിനുള്ളില്‍ എക്‌സ്‌ചേഞ്ച് ഹൗസുകള്‍ പ്രവര്‍ത്തിക്കുന്നുണ്ടെന്ന് ഉറപ്പാക്കാനുള്ള യുഎഇയുടെ ശ്രമങ്ങളെ ഈ നടപടി എടുത്തുകാണിക്കുന്നു.

ALSO READ: ഇറാന്റെ ഖത്തര്‍ ആക്രമണത്തിനു പിന്നാലെ ജീവനക്കാര്‍ക്ക് 'വര്‍ക്ക് ഫ്രം ഹോം' ഓപ്ഷനുമായി യുഎഇയിലെ കമ്പനികള്‍ സാമ്പത്തിക വ്യവസ്ഥയുടെ സമഗ്രത സംരക്ഷിക്കുന്നതിനും എക്‌സ്‌ചേഞ്ച് ഹൗസ് മേഖലയില്‍ സുതാര്യത ഉറപ്പാക്കുന്നതിനുമുള്ള പ്രതിബദ്ധത സെന്‍ട്രല്‍ ബാങ്ക് ആവര്‍ത്തിച്ചു.

The UAE Central Bank has imposed a Dh2 million fine on an exchange house for breaching anti-money laundering laws, reinforcing its commitment to financial compliance and regulation.