ദുബൈ: ഖത്തറിലെ യുഎസ് വ്യോമതാവളത്തിന് നേരെ ഇറാന്‍ നടത്തിയ മിസൈല്‍ ആക്രമണത്തിന്റെ പശ്ചാത്തലത്തില്‍, യുഎഇയിലെ ചില കമ്പനികള്‍ ജീവനക്കാര്‍ക്ക് 'വര്‍ക്ക് ഫ്രം ഹോം' (WFH) ഓപ്ഷന്‍ പ്രഖ്യാപിച്ചു. പ്രാദേശിക സംഘര്‍ഷത്തെ തുടര്‍ന്നുള്ള ജാഗ്രതാ നടപടിയാണിതെന്ന് കമ്പനികള്‍ ജീവനക്കാര്‍ക്ക് അയച്ച ഇമെയിലുകളില്‍ വ്യക്തമാക്കി.

ALSO READ: ഗത്യന്തരമില്ലാതെ നെതന്യാഹു; വെടിനിര്‍ത്തല്‍ അംഗീകരിച്ചു, നടപ്പിലായതായി സ്ഥിരീകരണം 

'തിങ്കളാഴ്ച വൈകിട്ടാണ് വര്‍ക്ക് ഫ്രം ഹോം ഓപ്ഷനെ കുറിച്ച് ഇമെയില്‍ ലഭിച്ചു. ആക്രമണ വാര്‍ത്ത ഞങ്ങളെ ഉറക്കമില്ലാത്ത രാത്രിയിലേക്ക് നയിച്ചു. വര്‍ക്ക് ഫ്രം ഹോം അനുവദിച്ചത് സ്വാഗതാര്‍ഹമായ നീക്കമാണ്. കുട്ടികളെ ഇന്ന് സ്‌കൂളിലേക്ക് അയക്കേണ്ടെന്നും തീരുമാനിച്ചു.' ദുബൈയിലെ ഒരു തദ്ദേശീയ കമ്പനിയില്‍ ജോലി ചെയ്യുന്ന സന കെ പറഞ്ഞു.

'യുഎഇയില്‍ ഞങ്ങള്‍ ആസ്വദിക്കുന്ന സുരക്ഷയ്ക്ക് നന്ദിയുണ്ട്. എന്റെ മകന്‍ ചൂണ്ടിക്കാട്ടിയതുപോലെ, ലോകത്തിന്റെ പല ഭാഗങ്ങളിലും ആളുകള്‍ യുദ്ധഭീതിയിലാണ് ജീവിക്കുന്നത്.' അവര്‍ കൂട്ടിച്ചേര്‍ത്തു.

'ഞങ്ങളുടെ കമ്പനി WFH ഓപ്ഷന്‍ വാഗ്ദാനം ചെയ്തു, പക്ഷേ ചില മീറ്റിംഗുകള്‍ക്കായി ഞാന്‍ ഓഫീസിലേക്ക് പോയി. റോഡുകളില്‍ ട്രാഫിക് വളരെ കുറവായിരുന്നു.' ചൊവ്വാഴ്ച, യുഎസ് ആസ്ഥാനമായ ഒരു ബഹുരാഷ്ട്ര കമ്പനിയില്‍ ജോലി ചെയ്യുന്ന ഒരാള്‍ പറഞ്ഞു,

അതേസമയം, നിരവധി കമ്പനികള്‍ ജോലി സംബന്ധമായ യാത്രാ പദ്ധതികള്‍ റദ്ദാക്കിയിട്ടുണ്ട്. 
'ദോഹയിലേക്കും റിയാദിലേക്കും മീറ്റിംഗുകള്‍ക്കായി പ്ലാന്‍ ചെയ്തിരുന്ന യാത്രകള്‍ റദ്ദാക്കാന്‍ സൂപ്പര്‍വൈസര്‍ നിര്‍ദേശിച്ചു. സാഹചര്യം അനിശ്ചിതമാണെന്നും പിന്നീട് ഷെഡ്യൂള്‍ ചെയ്യാമെന്നും അദ്ദേഹം പറഞ്ഞു.' ഒരു കമ്പനിയിലെ സെയില്‍സ് മാനേജറായ അലി പറഞ്ഞു.

ALSO READ: യുദ്ധത്തിന് താല്‍ക്കാലിക വിരാമം?; ഇറാന്‍- ഇസ്‌റാഈല്‍ വെടിനിര്‍ത്തല്‍ നിലവില്‍ വന്നെന്ന് അല്‍ജസീറ റിപ്പോര്‍ട്ട്

സംഘര്‍ഷം മേഖലയിലെ വ്യോമാതിര്‍ത്തികള്‍ അടയ്ക്കാന്‍ കാരണമായതിനാല്‍ യുഎഇ, ഖത്തര്‍, ബഹ്‌റൈന്‍, കുവൈത്ത് എന്നിവിടങ്ങളിലേക്കുള്ള വിമാനങ്ങള്‍ റദ്ദാക്കപ്പെടുകയും വഴിതിരിച്ചുവിടപ്പെടുകയും ചെയ്തു. വരും ആഴ്ചകളിലും ഇത് തുടര്‍ന്നേക്കുമെന്ന് വിമാനക്കമ്പനികള്‍ യാത്രക്കാരെ അറിയിച്ചു.

Following Iran’s attack on Qatar, several UAE companies have implemented work-from-home policies to ensure employee safety amid rising regional tensions.