ജുബൈൽ: നൂറ്റാണ്ടിലേക്ക് അടുക്കുന്ന കേരളത്തിലെ ആധികാരിക പണ്ഡിത സഭയായ സമസ്ത കേരള ജം ഇയ്യത്തുൽ ഉലമയുടെ നൂറാം വാർഷിക മഹാ സമ്മേളനത്തോടാനുബന്ധിച്ച് വ്യത്യസ്ത പദ്ധതികളുമായി സമസ്ത ഇസ്‌ലാമിക് സെന്റർ ജുബൈൽ സെൻട്രൽ കമ്മിറ്റി. ആദ്യ ഘട്ടമായി 'നൂറാം വാർഷികം നൂറ് ഖതം' പദ്ധതി നടപ്പിലാക്കാൻ എക്സിക്യുട്ടീവ് തീരുമാനിച്ചു. 

സെൻട്രൽ, യൂണിറ്റ് എക്സിക്യൂട്ടീവ് അംഗങ്ങളെയും പ്രധാന പ്രവർത്തകരെയും ഉൾകൊള്ളിച്ചാണ് ആത്മീയ ഉന്നമനം ലക്ഷ്യമാക്കി നൂറു ഖത്മുൽ ഖുർആൻ പൂർത്തിയാക്കുന്നത്. ഇതിനായി പ്രതേക രജിസ്ട്രേഷൻ ആരംഭിച്ചു. സെൻട്രൽ കമ്മിറ്റി പ്രസിഡന്റ് സുലൈമാൻ ഖാസിമി ഓൺലൈൻ രജിസ്ട്രേഷൻ ഉദ്ഘാടനം നിർവ്വഹിച്ചു. ഇതിനകം തന്നെ നിരവധി പ്രവർത്തകർ ഖത്മുൽ ഖുർആൻ ഏറ്റെടുത്തു. സമസ്ത നൂറാം വാർഷികം വൻ വിജയമാക്കാൻ ജുബൈൽ എസ്‌ഐസി പ്രവർത്തകർ ഒരുങ്ങിയതായി നേതാക്കൾ അറിയിച്ചു. സമസ്ത സ്ഥാപക ദിനമായ ജൂൺ 26 ന് ഏകദിന നൈറ്റ് ക്യാമ്പ് സംഘടിപ്പിക്കുവാനും തീരുമാനമായി. 

സെൻട്രൽ കമ്മറ്റി എക്സിക്യൂട്ടീവ് യോഗത്തിൽ പ്രസിഡന്റ് സുലൈമാൻ ഖാസിമി അധ്യക്ഷത വഹിച്ചു. സയ്യദ് അഹമ്മദ്തങ്ങൾ, ഇസ്മായിൽ ഹുദവി, അബ്ദുസ്സലാം, മനാഫ് മാതോട്ടം, അബ്ദുള്ള പാണ്ടിക്കാട്, മുഹമ്മദ് ഇർജാസ് മൂഴിക്കൽ, ഇബ്രാഹീം ദാരിമി, മുഹമ്മദ് അനസ്, മുഹമ്മദ് ഹസ്സൻ, നിഹാദ് ടി ബഷീർ, ഇർഷാദ് എപി, മുഹമ്മദ് അഷ്‌റഫ്‌ പി പി, മുഹമ്മദ്‌ നവാസ്, റഫീഖ് തലശ്ശേരി, അർഷാദ് മടക്കര, സുഹൈബ് മുസ്‌ലിയാരകത്ത്, അബ്ദുറഷീദ് കണ്ണൂർ, അബ്ദുൽ ഖാദർ പനങ്ങാങ്ങര, ജുനൈദ് കണ്ണൂർ, അബ്ദുൽ ഹമീദ് തുടങ്ങിയവർ സംബന്ധിച്ചു.