കൊച്ചി: എറണാകുളം ഉദയംപേരൂർ പഞ്ചായത്തിലെ 16-ാം വാർഡിൽ പ്രവർത്തിച്ചിരുന്ന ന്യൂ സ്റ്റാർ ബേക്കറി, പഴകിയതും പൂപ്പൽ ബാധിച്ചതുമായ ഭക്ഷണസാധനങ്ങൾ കണ്ടെടുത്തതിനെ തുടർന്ന് അടച്ചുപൂട്ടി. ഹെൽത്ത് ഡിപ്പാർട്ട്മെന്റിന്റെ പരിശോധനയിലാണ് കാലാവധി കഴിഞ്ഞ ഹൽവ, പേഡ, ക്രീംറോൾ, പാൽ, സ്ട്രോബറി സിറപ്പ്, സ്ക്വാഷ്, ഭക്ഷ്യസുരക്ഷാ മാനദണ്ഡങ്ങൾ പാലിക്കാത്ത ലേബൽ രഹിത ബ്രെഡ് പാക്കറ്റുകൾ എന്നിവ പിടികൂടിയത്.

പരിശോധനയിൽ, ബേക്കറിയിലെ ജീവനക്കാർക്ക് സാംക്രമിക രോഗങ്ങളില്ലെന്ന് ഉറപ്പാക്കുന്ന ഹെൽത്ത് കാർഡോ ജലത്തിന്റെ ഗുണനിലവാരം സാക്ഷ്യപ്പെടുത്തുന്ന സർട്ടിഫിക്കറ്റോ ഉണ്ടായിരുന്നില്ലെന്ന് കണ്ടെത്തി. അടുക്കളയും ബേക്കറി പരിസരവും അതീവ വൃത്തിഹീനമായിരുന്നതായും ഹെൽത്ത് ഡിപ്പാർട്ട്മെന്റിന്റെ നോട്ടീസിൽ പറയുന്നു. ഇതിന്റെ അടിസ്ഥാനത്തിൽ ബേക്കറി അടച്ചുപൂട്ടാൻ നിർദേശം നൽകി.

The Health Department closed New Star Bakery in Udayamperoor, Ernakulam, after finding stale, moldy halwa, peda, cream rolls, milk, and other items. Unlabeled bread packets, lack of health cards for staff, no water quality certificate, and unhygienic conditions were also reported.