തിരുവനന്തപുരം: സംസ്ഥാനത്തിൻ്റെ പുതിയ പൊലിസ് മേധാവിയെ നിശ്ചയിക്കുന്നതിനുള്ള നിർണായക യു.പി.എസ്.സി യോഗം ഇന്ന് നടക്കും. 
ഡൽഹിയിൽ ചേരുന്ന യോഗത്തിൽ ചീഫ് സെക്രട്ടറി എ. ജയതിലക്, സംസ്ഥാന പൊലിസ് മേധാവി ഷെയ്ഖ് ദർവേഷ് സാഹിബ് എന്നിവരും പങ്കെടുക്കുന്നുണ്ട്. കേരളം നൽകിയ ആറുപേരുടെ പട്ടികയിൽ നിന്ന് മൂന്നുപേരെ മാത്രം ഉൾപ്പെടുത്തിയ ചുരുക്കപ്പട്ടിക തയാറാക്കി ഇന്നു തന്നെ ചീഫ് സെക്രട്ടറി മുഖാന്തരം സംസ്ഥാന സർക്കാരിന് കൈമാറും. കേന്ദ്ര ഇന്റലിജന്‍സ് ബ്യൂറോ സ്പെഷല്‍ ഡയരക്ടര്‍ റവാഡ ചന്ദ്രശേഖര്‍, റോഡ് സുരക്ഷാ കമ്മിഷണർ നിതിന്‍ അഗര്‍വാള്‍, ഫയര്‍ഫോഴ്സ് ഡയരക്ടര്‍ യോഗേഷ് ഗുപ്ത, വിജിലന്‍സ് ഡയരക്ടര്‍ മനോജ് എബ്രഹാം, എസ്.പി.ജി എ.ഡി.ജി.പി സുരേഷ് രാജ് പുരോഹിത്, ബറ്റാലിയന്‍ എ.ഡി.ജി.പി എം.ആർ അജിത്കുമാര്‍ എന്നിവരാണ് കേരളം യു.പി.എസ്.സിക്ക് നല്‍കിയ പട്ടികയിലുള്ളത്. ഇവരിൽ ആദ്യ മൂന്ന് സ്ഥാനക്കാരായ  റവാഡ ചന്ദ്രശേഖര്‍, നിതിന്‍ അഗര്‍വാള്‍, യോഗേഷ് ഗുപ്ത എന്നിവരാകും ചുരുക്കപ്പട്ടികയിൽ ഇടംപിടിക്കുക.

ALSO READ: പേരാമ്പ്രയിൽ ആയുർവേദ മസാജ് മറവിൽ പെൺവാണിഭം; 4 സ്ത്രീകൾ ഉൾപ്പെടെ 8 പേർ അറസ്റ്റിൽ

ഏതെങ്കിലും സാഹചര്യത്തിൽ ഇതിനു മാറ്റം വന്നാൽ നാലാം സ്ഥാനത്തുള്ള മനോജ് എബ്രഹാം ചുരുക്കപ്പട്ടികയിൽ ഇടംനേടും. സംസ്ഥാന സർക്കാർ അണിയറ നീക്കങ്ങൾ സജീവമായി നടത്തിയെങ്കിലും  എ.ഡി.ജി.പി എം.ആർ അജിത് കുമാർ നിലവിലെ സാഹചര്യത്തിൽ ചുരുക്കപ്പട്ടികയിൽ ഇടംനേടാനുള്ള സാധ്യത വിരളമാണ്.  

ALSO READ: തൃശൂരിൽ കാർ കവർച്ച; ഗൃഹനാഥന്റെ കാലിലൂടെ കാർ കയറ്റിയിറക്കി, ദമ്പതികൾ ഉൾപ്പെടെ അഞ്ച് പേർ പിടിയിൽ

ഇന്ന് വൈകുന്നേരത്തോടെ ലഭിക്കുന്ന ചുരുക്കപ്പട്ടികയിൽ നിന്നാകും  പുതിയ സംസ്ഥാന പൊലിസ് മേധാവിയെ തിരഞ്ഞെടുക്കുക. ഈ മാസം 30ന് നിലവിലെ പൊലിസ് മേധാവി ഷെയ്ഖ് ദർവേഷ് സാഹിബ് വിരമിക്കും. അതിനു മുൻപ് തന്നെപുതിയ മേധാവിയെ നിശ്ചയിക്കേണ്ടതിനാൽ അടുത്ത മന്ത്രിസഭാ യോഗത്തിന് കാത്തുനിൽക്കാതെ മുഖ്യമന്ത്രി തന്നെ  ചുരുക്കപ്പട്ടികയിൽ നിന്ന്  ഒരാളെ തിരഞ്ഞെടുക്കും.

A high-stakes cabinet meeting is set for today to discuss the appointment of the next state police chief. Anticipation mounts as key candidates are evaluated, with law-and-order priorities shaping the decision.