ദുബൈ: യുഎഇയിലെ മരുഭൂമി കാലാവസ്ഥയെ അതിജീവിച്ച് നെല്‍ കൃഷിയില്‍ വിജയം കൈവരിച്ചിരിക്കുകയാണ് റാസല്‍ഖൈമയിലെ കര്‍ഷകനായ നാസര്‍ സയീദ് അല്‍ മസ്രൂയി. വര്‍ഷം 60 കിലോഗ്രാം നെല്ല് ഉല്‍പ്പാദിപ്പിച്ച് പ്രാദേശിക കൃഷിയില്‍ പുതിയ സാധ്യതകള്‍ തുറന്നിരിക്കുകയാണ് അദ്ദേഹം. കഴിഞ്ഞ വര്‍ഷം ഗോതമ്പ് കൃഷിയില്‍ പരിചയമുള്ള സുഹൃത്തുക്കള്‍ക്കൊപ്പം പരീക്ഷണമായാണ് മസ്രൂയി നെല്‍ കൃഷി തുടങ്ങിയത്.

ALSO READ: ഹിജ്‌റ പുതുവര്‍ഷ ദിനത്തില്‍ ദുബൈയില്‍ സൗജന്യ പാര്‍ക്കിംഗ് പ്രഖ്യാപിച്ച് ആര്‍ടിഎ

'എട്ടോ ഒമ്പതോ വര്‍ഷമായി ഞങ്ങള്‍ ഗോതമ്പ് കൃഷി ചെയ്യുന്നു. പിന്നീട് നെല്ല് പരീക്ഷിക്കാന്‍ തീരുമാനിക്കുകയായിരുന്നു,' അല്‍ മസ്രൂയി പറഞ്ഞു. ഇന്ത്യയില്‍ നിന്നും പാകിസ്ഥാനില്‍ നിന്നും ഇറക്കുമതി ചെയ്ത വിത്തുകള്‍ ഉപയോഗിച്ച്, ജൈവ വളങ്ങളും ഡീസലൈനേറ്റഡ് ശുദ്ധജലവും മാത്രം ഉപയോഗിച്ചാണ് കൃഷി. അണക്കെട്ടുകളില്‍ നിന്ന് ശേഖരിച്ച കളിമണ്ണ് ഉപയോഗിച്ച് വെള്ളം നിലനിര്‍ത്തുന്ന മണ്ണ് തയ്യാറാക്കി. 

'നെല്ലിന് ധാരാളം വെള്ളം വേണം, പക്ഷേ കളിമണ്ണ് ഈ വെല്ലുവിളി മറികടക്കാന്‍ സഹായിച്ചു,' അദ്ദേഹം വിശദീകരിച്ചു.

നെല്‍കൃഷി 45 ദിവസത്തെ നഴ്‌സറി ഘട്ടത്തോടെ ആരംഭിക്കുന്നു. തൈകള്‍ 300-300 മീറ്റര്‍ വിസ്തൃതിയുള്ള കൃഷിയിടത്തിലേക്ക് മാറ്റി. ഡ്രിപ്പ് ഇറിഗേഷന്‍ വഴിയാണ് ജലസേചനം. ബസുമതി, ഹസാവി, അന്‍ബര്‍, കടും തവിട്ട് നിറമുള്ള നെല്ല് എന്നിവയാണ് കൃഷി ചെയ്യുന്ന ഇനങ്ങള്‍. ഒരു കിലോ ബസ്മതി വിത്തില്‍ നിന്ന് 30 കിലോ അരി ലഭിക്കും. ജൂണ്‍ മുതല്‍ ഒക്ടോബര്‍ വരെ നീളുന്ന സീസണിലാണ് വിളവെടുപ്പ്.

ALSO READ: മേഖലയില്‍ സ്ഥിരതയും സമാധാനവും ഉറപ്പാക്കും; യുഎഇയുടെ ഷെയ്ഖ് മുഹമ്മദ് ഇറാന്‍ പ്രസിഡന്റിനെയും ഖത്തര്‍ അമീറിനെയും വിളിച്ചു

'കൃഷിയോടുള്ള അഭിനിവേശമാണ് എന്റെ പ്രേരണ. നിശ്ചയദാര്‍ഢ്യം ഉണ്ടെങ്കില്‍ ഒന്നും അസാധ്യമല്ല,' അല്‍ മസ്രൂയി പറഞ്ഞു. പ്രാദേശിക താല്‍പ്പര്യം വര്‍ധിക്കുന്നതിനാല്‍, ഉല്‍പ്പാദനം വിപുലീകരിക്കാനും അരി വില്‍പ്പന നടത്താനും പുതിയ ഇനങ്ങള്‍ പരീക്ഷിക്കാനും അദ്ദേഹം പദ്ധതിയിടുന്നുണ്ട്. 

'എല്ലാവരെയും, പ്രത്യേകിച്ച് വിദ്യാര്‍ത്ഥികളെ ഫാം സന്ദര്‍ശിക്കാന്‍ സ്വാഗതം ചെയ്യുന്നു,' അദ്ദേഹം കൂട്ടിച്ചേര്‍ത്തു.

A dedicated farmer in Ras Al Khaimah is cultivating rice in the desert, producing 60 kg annually. Remarkably, his paddy fields also grow India's famed ‘Basumati’ variety, showcasing sustainable agriculture in the UAE.