കോഴിക്കോട്: മാവോയിസ്റ്റ് നേതാവ് രൂപേഷിനെതിരേ വീണ്ടും കേസ്. കർണാടക പൊലിസാണ് 2012ൽ നടന്ന സംഭവത്തെ അടിസ്ഥാനമാക്കി കേസെടുത്തതെന്ന് ഭാര്യ ഷൈന വ്യക്തമാക്കി. ജയിൽവാസം അനിശ്ചിതമായി നീട്ടാനുള്ള ശ്രമമാണിതെന്നും ഗൂഢാലോചനയല്ലാതെ മറ്റൊന്നുമല്ലെന്നും ഷൈന ഫേസ്ബുക്കിൽ കുറിച്ചു. 

ALSO READ: പേരാമ്പ്രയിൽ ആയുർവേദ മസാജ് മറവിൽ പെൺവാണിഭം; 4 സ്ത്രീകൾ ഉൾപ്പെടെ 8 പേർ അറസ്റ്റിൽ

നിലനിൽക്കുന്ന എല്ലാ കേസുകളിലും ശിക്ഷ അനുഭവിക്കുകയും പിഴത്തുക അടയ്ക്കുകയും ചെയ്തിരുന്നു. മോചനം ഏറെ കുറെ ഉറപ്പായതോടെയാണ് കർണാടകയിൽ മറ്റൊരുകേസിൽ കൂടി ഉൾപ്പെടുത്തിയതെന്നും ഷൈന പറയുന്നു.

ALSO READ: കാവിക്കൊടിയേന്തിയ ഭാരതാംബ ചിത്രം;കേരള സർവകലാശാലയിൽ ഗവർണർ പങ്കെടുത്ത പരിപാടിയിൽ സംഘർഷം; ഏറ്റുമുട്ടി എസ്എഫ്ഐ എബിവിപി പ്രവർത്തകർ

കഴിഞ്ഞ ഒരു മാസത്തിലേറെയായി രൂപേഷിന്റെ ജാമ്യബോണ്ട് ഒപ്പിടുവിക്കാനുള്ള ശ്രമത്തിലായിരുന്നു. അതിനിടെയാണ് പുതിയ കേസ് വരുന്നത്.  2015 മെയ് നാലിന് അറസ്റ്റിലായത് മുതൽ നാളിതുവരെ ജയിലിൽ കഴിയുകയാണ് രൂപേഷ്. പത്ത് വർഷത്തെ ജയിലിൽ വാസത്തിൽ എട്ട് വർഷത്തിലധികവും വിചാരണ തടവുകാരനായി കഴിയുകയായിരുന്നു. മകളുടെ വിവാഹം, അച്ഛന്റെ മരണം പോലുള്ള ചില അടിയന്തര സാഹചര്യങ്ങളിൽ ലഭിച്ച ഏതാനും മണിക്കൂർ സമയത്തെ പൊലിസ് അകമ്പടിയോടു കൂടിയുള്ള സന്ദർശനമല്ലാതെ പരോളിലോ ജാമ്യത്തിലോ രൂപേഷിന് പുറത്തിറങ്ങാൻ സാധിച്ചിട്ടില്ലെന്നാണ് പറയുന്നത്. 

Another case has been registered in Karnataka against Maoist leader Roopesh. His wife, Shyna, claims it's a deliberate move to extend his imprisonment.