മുംബൈ: മഹാരാഷ്ട്രയിലെ ലാത്തൂരിൽ റോഡ് നിയമങ്ങൾ ലംഘിച്ച് സ്കൂട്ടറിൽ സഞ്ചരിച്ച മൂന്ന് യുവതികളെ മർദിച്ച സംഭവത്തിൽ വനിതാ ട്രാഫിക് കോൺസ്റ്റബിൾ പ്രണീത മാപ്പ് പറഞ്ഞു. യുവതികളെ അടിക്കുന്നതിന്റെയും മോശമായി സംസാരിക്കുന്നതിന്റെയും വീഡിയോ സമൂഹമാധ്യമങ്ങളിൽ വൈറലായിരുന്നു. സംഭവം വിവാദമായതിന് പിന്നാലെ, തന്റെ പ്രവൃത്തി നല്ല ഉദ്ദേശത്തോടെയുള്ളതായിരുന്നുവെന്നും എന്നാൽ മോശമായ പെരുമാറ്റത്തിൽ ഖേദിക്കുന്നുവെന്നും പ്രണീത മാധ്യമങ്ങളോട് വ്യക്തമാക്കി.

സംഭവ ദിവസം, തന്റെ രണ്ട് മക്കളെ ട്യൂഷൻ ക്ലാസിൽ വിട്ട് ഡ്യൂട്ടിക്ക് പോകുന്നതിനിടെ, അമിത വേഗത്തിൽ നിയമലംഘനം നടത്തി സ്കൂട്ടറിൽ വരുന്ന യുവതികളെ പ്രണീത ശ്രദ്ധിച്ചു. അവരോട് സുരക്ഷിതമായി വാഹനം ഓടിക്കണമെന്ന് ആവശ്യപ്പെട്ടെങ്കിലും, "നിന്റെ കാര്യം നോക്കൂ" എന്ന മറുപടിയാണ് ലഭിച്ചത്. ഇതിൽ പ്രകോപിതയായ പ്രണീത, യുവതികളെ പിന്തുടർന്ന് പിടികൂടി മർദിക്കുകയായിരുന്നു.

"ഞാൻ ഒരു പൊലീസുകാരിയായല്ല, ഒരമ്മയുടെ സ്ഥാനത്ത് നിന്നാണ് ഇടപെട്ടത്. യുവതികളുടെ സുരക്ഷയെക്കുറിച്ച് ആലോചിച്ചാണ് അങ്ങനെ പ്രവർത്തിച്ചത്. എന്നാൽ, മോശമായി സംസാരിച്ചതിൽ ഖേദിക്കുന്നു," പ്രണീത വിശദീകരിച്ചു.

In Latur, Maharashtra, a female traffic constable, Pranita, assaulted three young women for violating traffic rules on a scooter. The video of her hitting them and using harsh words went viral on social media. Pranita apologized, stating she acted as a concerned mother, not a police officer, and regretted her behavior, which was driven by concern for their safety.