ദുബൈ: ഹിജ്‌റ പുതുവര്‍ഷ അവധിയോടനുബന്ധിച്ച്, ജൂണ്‍ 27 വെള്ളിയാഴ്ച ദുബൈയിലെ എല്ലാ പൊതു പാര്‍ക്കിംഗ് സോണുകളും മള്‍ട്ടിലെവല്‍ പാര്‍ക്കിംഗ് ടെര്‍മിനലുകളും സൗജന്യമായിരിക്കുമെന്ന് റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (RTA) അറിയിച്ചു. ജൂണ്‍ 28 ശനിയാഴ്ച മുതല്‍ പതിവ് പാര്‍ക്കിംഗ് ഫീസ് പുനരാരംഭിക്കും.

ALSO READ: മേഖലയില്‍ സ്ഥിരതയും സമാധാനവും ഉറപ്പാക്കും; യുഎഇയുടെ ഷെയ്ഖ് മുഹമ്മദ് ഇറാന്‍ പ്രസിഡന്റിനെയും ഖത്തര്‍ അമീറിനെയും വിളിച്ചു

ഹിജ്‌റ പുതുവര്‍ഷ ദിനത്തില്‍ ദുബൈ മെട്രോ ജൂണ്‍ 27ന് രാവിലെ 5 മുതല്‍ ജൂണ്‍ 28 പുലര്‍ച്ചെ 1 വരെയും, ദുബൈ ട്രാം രാവിലെ 6 മുതല്‍ ജൂണ്‍ 28 പുലര്‍ച്ചെ 1 വരെയും പ്രവര്‍ത്തിക്കും. എല്ലാ RTA കസ്റ്റമര്‍ ഹാപ്പിനസ് സെന്ററുകളും വെള്ളിയാഴ്ച അടച്ചിടുമെങ്കിലും ഉമ്മു റമൂല്‍, ഡെയ്‌റ, അല്‍ ബര്‍ഷ, ഹെഡ് ഓഫീസ് എന്നിവിടങ്ങളിലെ സ്മാര്‍ട്ട് കസ്റ്റമര്‍ ഹാപ്പിനസ് സെന്ററുകള്‍ 24/7 പ്രവര്‍ത്തനം തുടരും.

ALSO READ: വന്‍ വിസാ തട്ടിപ്പ്: ദുബൈ കോടതി 21 പേരെ ശിക്ഷിച്ചു; പിഴയിട്ടത് 25.21 മില്യണ്‍ ദിര്‍ഹം

സേവന ദാതാക്കളുടെ കേന്ദ്രങ്ങള്‍ വെള്ളിയാഴ്ച അടച്ചിടും. വാഹന സാങ്കേതിക പരിശോധന സേവനങ്ങള്‍ ശനിയാഴ്ച പുനരാരംഭിക്കും. പൊതു ബസുകളുടെയും സമുദ്ര ഗതാഗതത്തിന്റെയും ഷെഡ്യൂളുകള്‍ S'hail അല്ലെങ്കില്‍ RTA ആപ്പ് വഴി പരിശോധിക്കാന്‍ യാത്രക്കാരോട് ആര്‍ടിഎ നിര്‍ദേശിച്ചു.