കുവൈത്ത് സിറ്റി: കഴിഞ്ഞ ദിവസം  വിടപറഞ്ഞ സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ അംഗവും പ്രമുഖ പണ്ഡിതനും സൂഫിവര്യനുമായ മാണിയൂർ അഹമ്മദ് മുസ്‌ലിയാർ അനുശോചനവും പ്രാർത്ഥനാ സദസ്സും സംഘടിപ്പിച്ചു.

അബ്ബാസിയ കെ ഐ സി ഓഡിറ്റോറിയത്തിൽ വെച്ച് നടന്ന അനുശോചന സദസ്സിൽ കെ ഐ സി പ്രസിഡണ്ട് അബ്ദുൽ ഗഫൂർ ഫൈസി അധ്യക്ഷത വഹിച്ചു. 

 

 

കുവൈത്ത് ഇസ്ലാമിക് കൗൺസിൽ കോ -ഓഡിനേറ്റർ സി.പി ഇഖ്ബാൽ സാഹിബിനുള്ള ഉപഹാരം കുവൈത്തിൽ വെച്ച് നടന്ന ചടങ്ങിൽ ചെയർമാൻ അബുൽ ഗഫൂർ ഫൈസി സമ്മാനിക്കുന്നു

ചെയർമാൻ ശംസുദ്ധീൻ ഫൈസി എടയാറ്റൂർ അനുസ്‌മരണ പ്രഭാഷണം നിർവഹിച്ചു. ഉസ്മാൻ ദാരിമി പ്രാർത്ഥനക്ക് നേതൃത്വം നൽകി. സിപി ഇഖ്ബാൽ, സിറാജ് എരഞ്ഞിക്കൽ,ബഷീർ കെ ,ഇബ്രാഹിം കുന്നിൽ, ശംസുദ്ധീൻ യമാനി,അബ്ദുൽറശീദ് മസ്താൻ,ശാക്കിർ മുസ്‌ലിയാർ,അബ്ദുൽ റഹീം ഹസനി, മഹമൂദ് ഹാജി,തസ്‍ലീം തുടങ്ങിയവർ സംസാരിച്ചു.

ജനറൽ സെക്രട്ടറി സൈനുൽ ആബിദ് ഫൈസി സ്വാഗതവും ട്രഷറർ ഇ എസ് അബ്ദുൽ റഹ്മാൻ ഹാജി നന്ദിയും പറഞ്ഞു.

Maniyoor Ustad condolence and prayer meeting held in Kuwait