റിയാദ്: സൗദിയില്‍ മൂല്യവര്‍ധിത നികുതിയുമായി (value-added tax - VAT) ബന്ധപ്പെട്ട് ചുമത്തിയ പിഴകള്‍ ഒഴിവാക്കി നല്‍കുന്നതിന് അനുവദിച്ചിരുന്ന ഇളവ് കാലം (grace period) വീണ്ടും നീട്ടി നല്‍കി. അടുത്ത ആറു മാസത്തേക്ക് കൂടിയാണ് ഇളവുകാലം ദീര്‍ഘിപ്പിച്ചത്. 2025 ഡിസംബര്‍ 31വരെയാണ് പുതുക്കിയ കാലാവധി. സ്ഥാപനങ്ങള്‍ക്ക് നിയമ വിധേയമാകുന്നതിനും സാമ്പത്തിക പ്രതിസന്ധികള്‍ ലഘൂകരിക്കുന്നതിനും ലക്ഷ്യമിട്ടാണ് ഇളവ് അനുവദിച്ചു വരുന്നതെന്ന് സഊദി അറേബ്യ സകാത്ത് ആന്റ് ടാക്‌സ് അതോറിറ്റി (Saudi Zakat, Tax, and Customs Authority - ZTCA)  അറിയിച്ചു.

ALSO READ: പുതിയ ഉംറ സീസണിനുള്ള പ്രവർത്തന പദ്ധതി ഔദ്യോഗികമായി ആരംഭിച്ച് സഊദി അറേബ്യ

ആഗോള സാമ്പത്തിക മാറ്റങ്ങളെ തുടര്‍ന്നുണ്ടായ പ്രതിസന്ധി മറികടക്കുന്നതിനും സ്ഥാപനങ്ങള്‍ക്കുണ്ടായ സാമ്പത്തിക പ്രത്യാഘാതങ്ങള്‍ ലഘൂകരിക്കുന്നതിനും ലക്ഷ്യമിട്ടാണ് നേരത്തെ അതോരിറ്റി ഗ്രേസ് പിരീയഡ് അനുവദിച്ചത്. നീട്ടിയ പുതിയ സാവകാശം എല്ലാ നികുതിദായകരും പ്രയോജനപ്പെടുത്തണമെന്ന് ZTCA ആവശ്യപ്പെട്ടു. നികുതി വെട്ടിപ്പുമായി ബന്ധപ്പെട്ട പിഴകള്‍ ഈ ആനുകൂല്യത്തിന്റെ പരിധിയില്‍ വരില്ല. പുതിയ ഗ്രേസ് പിരീയഡ് നീട്ടി നല്‍കിയെങ്കിലും പരിശോധനകള്‍ തുടരുമെന്ന് ZTCAഅറിയിച്ചു.

വാറ്റ് രജിസ്‌ട്രേഷന്‍ വൈകല്‍, നികുതി അക്കാന്‍ വൈകല്‍, റിട്ടേണ്‍ ഫയല്‍ ചെയ്യാന്‍ കാലതാമസം എടുക്കല്‍, വാറ്റ് റിട്ടേണ്‍ തിരുത്തല്‍, ഡിജിറ്റല്‍ ഇന്‍വോയിസിങ്ങുമായി ബന്ധപ്പെട്ട നിയമലംഘനങ്ങള്‍ തുടങ്ങിയവക്ക് ചുമത്തിയ പിഴകള്‍ ഒഴിവാക്കി നല്‍കുന്ന പദ്ധതിക്ക് 2021 ജൂണിലാണ് തുടക്കം കുറിച്ചത്. 

ALSO READ: റിയാദ് മെട്രോ ശൃംഖല വിപുലീകരിക്കാൻ സഊദി അറേബ്യ; ഓറഞ്ച് ലൈനിൽ പുതിയ സ്റ്റേഷൻ തുറക്കുന്നു

24/7 ലഭ്യമായ ഏകീകൃത കോള്‍ സെന്റര്‍ നമ്പര്‍ 19993, അല്ലെങ്കില്‍ X Zatca_Care പ്ലാറ്റ്‌ഫോമിലെ 'Ask Zakat, Tax, and Customs' അക്കൗണ്ട്, [email protected] എന്ന ഇമെയില്‍ വിലാസം, അല്ലെങ്കില്‍ അതോറിറ്റിയുടെ വെബ്‌സൈറ്റിലെ ലൈവ് ചാറ്റ് എന്നിവ വഴി ഏത് അന്വേഷണങ്ങള്‍ക്കും തല്‍സമയം ഉത്തരം നല്‍കുമെന്നും അധികൃതര്‍ അറിയിച്ചു.

Saudi Zakat, Tax, and Customs Authority (ZTCA) announced that the minister of finance has approved extension of the initiative to waive fines and exempt taxpayers from penalties for a period of six months, starting July 1. This extension applies to taxpayers until 2025 December 3.