ഭുവനേശ്വര്‍: ഓസ്‌ട്രേലിയന്‍ മിഷനറി പ്രവര്‍ത്തകരായ ഗ്രഹാം സ്റ്റെയിനെയും അദ്ദേഹത്തിന്റെ പ്രായപൂര്‍ത്തിയാകാത്ത രണ്ട് ആണ്‍മക്കളെയും വാഹനത്തിലിട്ട് ചുട്ടുകൊന്ന തീവ്ര ഹിന്ദുത്വസംഘത്തില്‍പ്പെട്ട ചെഞ്ചു ഹാന്‍സ്ദയ്ക്ക് ഒടുവില്‍ മാനസാന്തരം. സംഭവം നടക്കുമ്പോള്‍ പ്രായപൂര്‍ത്തിയാകാതിരുന്ന ചെഞ്ച് കൃത്യം നടന്ന് കാല്‍നൂറ്റാണ്ട് തികയുമ്പോഴാണ് മാനസാന്തരപ്പെട്ട് ക്രിസ്തുമതം സ്വീകരിച്ചത്. ഒഡിയ മാധ്യമപ്രവര്‍ത്തകന്‍ ദയാശങ്കര്‍ മിശ്രയ്ക്ക് നല്‍കിയ അഭിമുഖത്തിലാണ് മതംമാറ്റം ചെഞ്ചു പരസ്യമാക്കിയത്. ഒരാളുടെയും പ്രേരണയിലോ സ്വാധീനത്തിലോ അല്ല ഹിന്ദുമതം ഉപേക്ഷിച്ച് ക്രിസ്ത്യാനിയായതെന്ന് അദ്ദേഹം പറഞ്ഞു.

ചെഞ്ചു ഹാന്‍സ്ദ

 

തിരിച്ചറിവില്ലാതിരുന്ന കാലത്ത് സംഭവിച്ചു പോയ തെറ്റാണത്. നിര്‍ദോഷിയും നിരപരാധിയുമായ വിദേശിയേയും ചെറിയകുട്ടികളെയും കൊന്നതിന്റെ പശ്ചാത്താപം ഇതുവരെയും എന്നെ വേട്ടയാടുകയായിരുന്നു. അതിന് ശേഷം എനിക്കെന്റെ വേണ്ടപ്പെട്ടവരെയെല്ലാം നഷ്ടമായി. ഭാര്യ വര്‍ഷങ്ങള്‍ക്ക് മുമ്പ് മരിച്ചു. രണ്ടുസഹോദരിമാരെയും അടുത്ത ബന്ധുക്കളെയും വളരെപെട്ടെന്ന് നഷ്ടമായി. ഈ മരണങ്ങളുണ്ടാക്കിയ വേദനയില്‍നിന്ന് മുക്തിനേടാന്‍ പല സ്ഥലങ്ങളും സന്ദര്‍ശിച്ചു. തന്റെ മനസാക്ഷിക്കനുസരിച്ചാണ് തീരുമാനമെടുത്തത്. ആ സംഭവത്തിലുള്ള കുറ്റബോധത്താല്‍ നീറിക്കഴിയുകയായിരുന്നു ഇതുവരെ. ഇപ്പോഴെനിക്ക് സമാധാനവും സന്തോഷവും അനുഭവിക്കുന്നു- അദ്ദേഹം പറഞ്ഞു. ചെങ്കുവിന്റെ ഗ്രാമത്തില്‍പ്പെട്ട ഏതാനും പേരും ക്രിസ്തുമതത്തില്‍ ചേര്‍ന്നിട്ടുണ്ട്. 

ALSO READ: നജീബ് എവിടെ? ജെ.എൻ.യു വിദ്യാർഥി തിരോധാനക്കേസ് അവസാനിപ്പിച്ച് സി.ബി.ഐ; റിപ്പോർട്ടിന് ഡൽഹി കോടതിയുടെ അംഗീകാരം

ALSO READ: മണിപ്പൂരിൽ വീണ്ടും അക്രമം; സായുധസംഘം നാല് കുക്കികളെ വെടിവച്ച് കൊന്നു

 

 

1999 ജനുവരി 22ലെ ശൈത്യകാല രാത്രിയിലാണ് ഒഡിഷയിലെ കിയോഞ്ജര്‍ ജില്ലയിലെ ഉള്‍ഗ്രാമമായ മനോഹര്‍പൂരില്‍ മനസ്സാക്ഷിയെ നടുക്കിയ സംഭവം ഉണ്ടായത്. പ്രദേശത്ത് നടന്ന ക്യാംപില്‍ പങ്കെടുത്ത് മടങ്ങുന്നതിനിടെയാണ്,  നിര്‍ബന്ധിത മതപരിവര്‍ത്തനത്തിന് ശ്രമിക്കുന്നുവെന്നാരോപിച്ച് ഗ്രഹാം സ്റ്റെയിന്‍സിനെയും മക്കളായ ഫിലിപ്പ്(10), തിമോത്തി(9) എന്നിവരെയും ഹിന്ദുത്വവാദിയായ ധാരാ സിങ്ങിന്റെ നേതൃത്വത്തില്‍ കൊലപ്പെടുത്തിയത്. വാനില്‍ കിടന്നുറങ്ങുകയായിരുന്ന കുട്ടികളെയടക്കം ജീവനോടെ ചുട്ടുകൊല്ലുകയായിരുന്നു. എന്നാല്‍ മതപരിവര്‍ത്തനവുമായി ബന്ധപ്പെട്ട ഹിന്ദുത്വവാദികളുടെ ആരോപണങ്ങള്‍ സ്റ്റെയിന്‍സിന്റെ വിധവ ഗ്ലാഡിസ് തള്ളിയിരുന്നു. ഭര്‍ത്താവും മക്കളും കൊല്ലപ്പെട്ട ശേഷവും ഗ്ലാഡിസ് മകള്‍ എസ്തറിനൊപ്പം ഒഡിഷയില്‍ തുടര്‍ന്നു. കുഷ്ഠരോഗം ബാധിച്ചവരുമൊത്തുള്ള പ്രവര്‍ത്തനത്തിന് 2005 ല്‍ ഇവരെ രാജ്യം പത്മശ്രീ നല്‍കി ആദരിച്ചു.

A 39-year-old Hindu man, who was convicted of being part of a gang that murdered Australian missionary Graham Stewart Staines and his two young sons 26 years ago, has announced his baptism as a Baptist Christian.