തിരുവനന്തപുരം: സ്വിഫ്റ്റ് ബസിൽ യാത്ര ചെയ്യാൻ ടിക്കറ്റെടുത്ത യാത്രക്കാരന് സാദാ ബസ് നൽകിയതിന് കെ.എസ്.ആർ.ടി.സിക്ക് ജില്ലാ ഉപഭോക്തൃ തർക്ക പരിഹാര കമ്മിഷന്റെ പിഴശിക്ഷ. കല്ലറ ചന്തുഭവനിൽ ഇന്ദ്രാത്മജന്റെ പരാതിയിൽ കെ.എസ്.ആർ.ടി.സിക്ക് 2,574 രൂപ നഷ്ടപരിഹാരം നൽകാൻ കമ്മിഷൻ ഉത്തരവിട്ടു.

2023 ജനുവരി 11ന് തമ്പാനൂർ-കിളിമാനൂർ റൂട്ടിൽ സ്വിഫ്റ്റ് ബസിൽ യാത്ര ചെയ്യവേ, പട്ടത്ത് എത്തിയപ്പോൾ യാത്രക്കാരനെ തിരികെ വിളിച്ച് സാദാ ബസിൽ കയറ്റി വിടുകയായിരുന്നു. ഇതിനെതിരെ യാത്രക്കാർ പ്രതിഷേധിച്ചതിനെ തുടർന്ന് തമ്പാനൂരിൽ നിന്ന് ഒരു സാദാ ബസ് എത്തിച്ച് യാത്ര തുടരാൻ അനുവദിച്ചു.

ALSO READ: വെളിച്ചെണ്ണ വില റെക്കോഡ് ഉയരത്തിൽ: ഓണത്തിന് 600 കടക്കുമെന്ന് ആശങ്കയിൽ വ്യാപാരികൾ

മുതിർന്ന പൗരനായ ഇന്ദ്രാത്മജൻ, ആരോഗ്യപ്രശ്നങ്ങൾ കണക്കിലെടുത്ത് കൂടുതൽ തുക മുടക്കി സ്വിഫ്റ്റ് ബസിൽ യാത്ര ചെയ്യാൻ തീരുമാനിച്ചിരുന്നു. എന്നാൽ, സ്വിഫ്റ്റ് ബസ് പിൻവലിച്ച് സാദാ ബസ് നൽകിയത് ആരോഗ്യത്തെ ബാധിച്ചുവെന്നും നഷ്ടപരിഹാരം വേണമെന്നും ആവശ്യപ്പെട്ട് അദ്ദേഹം ഉപഭോക്തൃ കമ്മിഷനെ സമീപിച്ചു. രണ്ട് വർഷം മുമ്പുണ്ടായ ഈ പരാതിയിലാണ് കമ്മിഷൻ ഇപ്പോൾ വിധി പ്രഖ്യാപിച്ചത്.

KSRTC was fined by the District Consumer Disputes Redressal Commission for providing an ordinary bus instead of a Swift bus to a passenger, Indratmajan, from Kallara. The commission ordered KSRTC to pay ₹2,574 as compensation after the passenger, a senior citizen with health issues, faced inconvenience during a journey from Thampanoor to Kilimanoor on January 11, 2023.