ദുബൈ: ഷെയ്ഖ് സായിദ് റോഡിനും അല്‍ ഖൈല്‍ റോഡിനുമിടയില്‍ അല്‍ മെയ്ദാന്‍ സ്ട്രീറ്റ് വഴിയുള്ള കണക്റ്റിവിറ്റി വര്‍ധിപ്പിക്കാന്‍ ലക്ഷ്യമിട്ടുള്ള ഗതാഗത മെച്ചപ്പെടുത്തലുകള്‍ ദുബൈ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ) പൂര്‍ത്തിയാക്കി. നഗരത്തിലെ റോഡ് ശൃംഖല ഏകോപിപ്പിനുള്ള ശ്രമങ്ങളുടെ ഭാഗമായ ഈ സംരംഭത്തില്‍ ശൈഖ് സായിദ് റോഡില്‍ നിന്ന് അല്‍ മെയ്ദാന്‍ സ്ട്രീറ്റിലേക്കുള്ള എക്‌സിറ്റ് നമ്പര്‍ ഡി 69 വീതി കൂട്ടുകയും അതിന്റെ ശേഷി ഒന്ന് മുതല്‍ രണ്ട് വരെ ഇരട്ടിയാക്കുകയും ചെയ്തു.

ഈ നവീകരണം എക്‌സിറ്റിലെ വാഹന ശേഷി മണിക്കൂറില്‍ 1,500ല്‍ നിന്ന് 3,000 ആക്കി ഉയര്‍ത്തി. തിരക്കേറിയ സമയങ്ങളില്‍ യാത്രാ സമയം 40 ശതമാനം വരെയും, ക്യൂ 50 ശതമാനവും കുറച്ചു.

ഗതാഗത മെച്ചപ്പെടുത്തലിന്റെ മറ്റൊരു ഫലമെന്നോണം, ഒന്നാം അല്‍ ഖൈല്‍ റോഡിന് മുകളിലെ പാലത്തിന്റെ ശേഷി രണ്ട് ദിശകളിലായി മൂന്ന് വരികളില്‍ നിന്നും നാലായി മാറി. അല്‍ ഖൈല്‍ റോഡ്, അല്‍ മെയ്ദാന്‍ സ്ട്രീറ്റ്, ശൈഖ് സായിദ് റോഡ്, അല്‍ ഹദീഖ സ്ട്രീറ്റ് എന്നിവയ്ക്കിടയിലുള്ള ഗതാഗതത്തെ ഈ നവീകരണം പിന്തുണയ്ക്കുന്നു.

മെച്ചപ്പെടുത്തല്‍ മുഖേന പാലത്തിന്റെ ശേഷി മണിക്കൂറില്‍ 4,500ല്‍ നിന്ന് 6,000 വാഹനങ്ങളായി 33 ശതമാനത്തിലധികം വര്‍ധിപ്പിച്ചു. നല്ല തിരക്കുള്ള (പീക് അവര്‍) സമയത്തെ ക്രോസിംഗ് സമയം ഏഴ് മിനുട്ടില്‍ നിന്ന് നാലായി കുറഞ്ഞു. ഇതോടെ, ഏകദേശം 40 ശതമാനം പുരോഗതിയാണ് ഉണ്ടായിരിക്കുന്നത്.

വാഹന പ്രവാഹം കൂടുതല്‍ മെച്ചപ്പെടുത്താന്‍ ഉപരിതല റോഡിനും ഫസ്റ്റ് അല്‍ ഖൈല്‍ റോഡിന് മുകളിലുള്ള പാലത്തിനുമിടയിലെ കണക്റ്റിംഗ് റാംപുകള്‍ ഒരു വരിയില്‍ നിന്ന് രണ്ട് വരിയായി വികസിപ്പിച്ചു. ഈ മെച്ചപ്പെടുത്തല്‍ ഗതാഗതക്കുരുക്ക് ഗണ്യമായി ലഘൂകരിച്ചു. പ്രത്യേകിച്ചും, ഉച്ചയ്ക്കും വൈകുന്നേരവും തിരക്കുള്ള സമയങ്ങളില്‍. കാത്തിരിപ്പ് സമയം 50 ശതമാനത്തിലധികവും കുറയ്ക്കാനായി.

ഈ വര്‍ഷം നഗരത്തിലെ പ്രധാന മേഖലകളിലായി 75ലധികം ഗതാഗത മെച്ചപ്പെടുത്തല്‍ പദ്ധതികള്‍ നടപ്പാക്കാനുള്ള ആര്‍.ടി.എയുടെ മാസ്റ്റര്‍ പ്ലാനിന്റെ ഭാഗമാണിത്. ജീവിത നിലവാരം മെച്ചപ്പെടുത്തുക, സമൂഹ ക്ഷേമം വര്‍ധിപ്പിക്കുക, സംയോജിത അടിസ്ഥാന സൗകര്യങ്ങളിലും മികച്ച സഞ്ചാര സൗകര്യങ്ങളിലും ആഗോള ലീഡറെന്ന നിലയില്‍ ദുബൈയുടെ സ്ഥാനം കൂടുതല്‍ ഉറപ്പിക്കുക എന്നിവ ലക്ഷ്യമിട്ടുള്ള ആര്‍.ടി.എയുടെ സുസ്ഥിര വികസന തന്ത്രവുമായി ഈ പദ്ധതി ചേരുന്നു.

Dubai RTA has completed series of rapid traffic improvement measures to enhance connectivity between Sheikh Zayed Road and Al Khail Road via Al Meydan Street. The works included widening the exit from Sheikh Zayed Road to Al Meydan Street from one lane to two and increasing the capacity of the bridge over First Al Khail Road from three to four lanes to accommodate vehicles travelling between Al Khail Road, Al Meydan Street, Sheikh Zayed Road and Al Hadiqa Street in both directions.