ഷാര്‍ജ/റാസല്‍ഖൈമ: കഴിഞ്ഞ കാലങ്ങളിലായി ജനങ്ങള്‍ നെഞ്ചേറ്റിയ 10, 20, 30 പ്രമോഷന് ഷാര്‍ജയിലേയും റാസല്‍ഖൈമയിലേയും സ്ഥാരി ഹൈപര്‍ മാര്‍ക്കറ്റുകളില്‍ ജൂണ്‍ 30ന് വീണ്ടും തുടക്കം കുറിച്ചു. വേനലവധിയില്‍ നാട്ടില്‍ പോകുന്ന കുടുംബാംഗങ്ങളടക്കമുള്ളവര്‍ക്ക് ഏറെ പ്രയോജനകരമാണിതെന്നും കഴിഞ്ഞ കാലങ്ങളിലായി ഈ പ്രമോഷന് ജനങ്ങളില്‍നിന്ന് ലഭിച്ച അഭൂതപൂര്‍വ പിന്തുണ പരിഗണിച്ചാണ് ഇത്തവണയും ഷാര്‍ജയിലും ഏതാനും മാസങ്ങള്‍ക്ക് മുന്‍പാരംഭിച്ച റാസല്‍ഖൈമ സഫാരിയിലുമുള്ള ഹൈപറുകളില്‍ പ്രമോഷന്‍ നടപ്പാക്കുന്നതെന്ന് സഫാരി ഗ്രൂപ്പ് മാനേജിങ് ഡയരക്ടര്‍ സൈനുല്‍ ആബിദീന്‍ അറിയിച്ചു.

റീടെയില്‍ മേഖലയില്‍ മറ്റൊരു സ്ഥാപനത്തിനും നല്‍കാനാവാത്ത നിലയിലുള്ള വമ്പന്‍ ജനാകര്‍ഷക പ്രമോഷനാണിത്. വിശ്വസ്ത ഉപഭോക്താക്കള്‍ക്ക് മൂല്യവത്തായി തിരിച്ചു നല്‍കുകയെന്ന താല്‍പര്യം മുന്‍നിര്‍ത്തിയാണ് യു.എ.ഇയിലെ സഫാരി ഔട്ട്‌ലെറ്റുകളില്‍ ഈ പ്രമോഷന്‍ ആരംഭിച്ചിട്ടുള്ളത്.

യു.എ.ഇയിലെ സ്‌കൂള്‍ വെക്കേഷനില്‍ നാട്ടിലേക്ക് പോകുന്നവരെ സംബന്ധിച്ചിടത്തോളം 10, 20, 30 പ്രമോഷന്‍ ഏറ്റവും അനുഗ്രഹമുള്ളതാണ്. ഗുണനിലവാരമുള്ള മികച്ച ഉല്‍പന്നങ്ങള്‍ ഏറ്റവും കുറഞ്ഞ വിലയ്ക്ക് വാങ്ങാമെന്നതാണ് ഇതുകൊണ്ടുള്ള പ്രയോജനം. മറ്റെങ്ങും കിട്ടാത്ത ഈ സുവര്‍ണാവസരം ഉപഭോക്താക്കള്‍ മികച്ച നിലയില്‍ ഉപയോഗിക്കുമെന്നു തന്നെയാണ് ഈ പ്രമോഷന്റെ പ്രത്യേകതയെന്നും അദ്ദേഹം അഭിപ്രായപ്പെട്ടു.
ബ്രാന്‍ഡഡ് ഐറ്റംസ് ഉള്‍പ്പടുത്തിയാണ് 500ലധികം ഉല്‍പന്നങ്ങള്‍ ഉള്‍ക്കൊള്ളുന്നതാണ് പ്രമോഷന്‍. സൂപര്‍ മാര്‍ക്കറ്റ് & ഡിപ്പാര്‍ട്‌മെന്റ് സ്റ്റോറിലും, ഫര്‍ണിച്ചര്‍ സ്റ്റോറിലും സഫാരി ബേക്കറി & ഹോട്ട്ഫുഡിലും തുടങ്ങി എല്ലാ വിഭാഗങ്ങളിലും ഈ പ്രമോഷന്‍ ലഭ്യമാണ്.

സഫാരിയുടെ ആരംഭം മുതല്‍ യുഎഇയിലെ ജനങ്ങള്‍ക്ക് ധാരാളം 'വിന്‍ പ്രമോഷനു'കളായ കാറുകളും സ്വര്‍ണവും 'ഹാഫ് എ മില്യണ്‍ ദിര്‍ഹം'സും നടത്തി വന്‍ മുന്നേറ്റം തന്നെ സൃഷ്ടിക്കാന്‍ സഫാരിക്ക് കഴിഞ്ഞിട്ടുണ്ട്. വിന്‍ ടയോട്ട അര്‍ബന്‍ ക്രൂസര്‍ കാറിന്റെ പുതിയ മെഗാ പ്രമോഷനാണ് ഇപ്പോള്‍ നടന്നു വരുന്നത്. ഷാര്‍ജ സഫാരി ഹൈപര്‍ മാര്‍ക്കറ്റില്‍ 6 ടയോട്ട അര്‍ബന്‍ ക്രൂസര്‍ കാറുകളും, റാസല്‍ഖൈമ ഔട്‌ലെറ്റില്‍ 2 ടയോട്ട അര്‍ബന്‍ ക്രൂസര്‍ കാറുകളുമാണ് സമ്മാനമായി നല്‍കുന്നത്.
സഫാരി ഹൈപര്‍ മാര്‍ക്കറ്റില്‍ നിന്നും 50 ദിര്‍ഹംസിന് പര്‍ച്ചേയ്‌സ് ചെയ്യുമ്പോള്‍ ലഭിക്കുന്ന ഈ റാഫിള്‍ കൂപ്പണ്‍ വഴി മൈ സഫാരി ആപ്പില്‍ രജിസ്റ്റര്‍ ചെയ്തിട്ടുള്ള ഏതൊരാള്‍ക്കും ഈ മെഗാ സമ്മാന പദ്ധതിയില്‍ പങ്കാളികളാകാവുന്നതാണ്.