മീന്‍ എല്ലാവര്‍ക്കും ഇഷ്ടമാണ്. എന്നാല്‍ മീന്‍ കഴിക്കാന്‍ ഇത്തിരി ബുദ്ധിമുട്ടാണ്. മീന്‍ മുള്ള് കുരുങ്ങുമോ എന്ന ഭയം തന്നെ കാരണം. കുഞ്ഞുങ്ങള്‍ക്ക് പോലും നമ്മള്‍ മീന്‍ കൊടുക്കാന്‍ മടിക്കുന്നതിനും ഇതു തന്നെ കാരണം. ഒന്ന് ശ്രദ്ധ തെറ്റിയാല്‍ മതി പണി കിട്ടും. ടിവിയും മൊബൈല്‍ ഫോണും നോക്കി അശ്രദ്ധയോടെ ഭക്ഷണം കഴിക്കുന്നവര്‍ ധാരാളമാണ്. മീന്‍ മുള്ളും ഇറച്ചിയിലെ എല്ലും തൊണ്ടയില്‍ കുടുങ്ങാന്‍ ഈ അശ്രദ്ധ പ്രധാന കാരണമാണ്. മീന്‍ മുള്ള് കുരുങ്ങിയാന്‍ നമുക്ക് വീട്ടില്‍ ചെയ്തുനോക്കാവുന്ന ചില പരിഹാര മാര്‍ഗങ്ങളുണ്ട്. 

വെള്ളം കുടിക്കുകയാണ് നാം ആദ്യം ചെയ്യേണ്ടത്. പിന്നെ പച്ച ചോറ് വിഴുങ്ങുക, പഴം വിഴുങ്ങുക, ബ്രഡിന്റെ അരികുകള്‍ മുറിച്ചു മാറ്റി വിഴുങ്ങുക, പുഴുങ്ങിയ മുട്ട വിഴുങ്ങുക തുടങ്ങിയവയെല്ലാം പരിഹാരമാര്‍ഗങ്ങളില്‍ ചിലതാണ്. നാരങ്ങ നീരില്‍ ഒലിവ് ഓയില്‍ ചേര്‍ത്ത് കഴിക്കുന്നതും നല്ലതാണ്. 

ALSO READ: ചായ ഉണ്ടാക്കുക എന്നത് വലിയ കാര്യമൊന്നുമല്ല... എന്നാണോ..? പാലും പഞ്ചസാരയും എപ്പോഴാണ് ചേര്‍ക്കേണ്ടത് ..?  മികച്ച രുചിക്കായി എത്ര നേരമാണ് തിളപ്പിക്കേണ്ടത്..? 

അപകടമാണ് ശ്രദ്ധിക്കണം 
എന്നാല്‍ എല്ലാ മുള്ളും ചോറിലും വെള്ളത്തിലും പോകുമെന്ന് കരുതരുത്. നിസ്സാര കേസുകളില്‍ ഇവയൊക്കെ മതിയാവും. എന്നാല്‍ കട്ടിയുള്ളതും കൂര്‍ത്തതുമായ മുള്ള് തൊണ്ടയിലോ അന്നനാളത്തിലോ കുടുങ്ങിയാല്‍ പഴമോ ചോറോ വിഴുങ്ങിയതുകൊണ്ടു പ്രയോജനമുണ്ടാവില്ല. അത് വച്ചിരിക്കുന്നതും അപകടമാണ്. ഉടന്‍ തന്നെ തക്ക സൗകര്യങ്ങളുള്ള ആശുപത്രിയിലെത്തിക്കുന്നതാണ് അപകടമൊഴിവാകാന്‍ നല്ലത്. അന്നനാളത്തിന്റെ തൊട്ടടുത്തു സ്ഥിതി ചെയ്യുന്ന മഹാധമനി, ശ്വാസകോശം എന്നിവക്ക് മുള്ള് ക്ഷതമേല്‍പിക്കാന്‍ സാധ്യതയുള്ളതിനാല്‍ ആശുപത്രിയില്‍ എത്തി മുള്ള് പെട്ടെന്ന് നീക്കം ചെയ്യുന്നതാണ് സുരക്ഷിതം. കരിമീന്‍, തിലാപ്പിയ, ചെമ്പല്ലി തുടങ്ങിയ മീനുകളുടെ മുള്ള് സൂചി പോലെയുള്ളതാണ്. മത്തി, ആവോലി തുടങ്ങിയവയുടെ മുള്ളുകള്‍ താരതമ്യേന മൃദുവായതും അപകടസാധ്യത കുറവുള്ളതുമാണ്. 

If a fish bone gets stuck in your throat, it can be scary—but don’t worry. Here are quick and effective home remedies to ease the discomfort and potentially dislodge the bone safely.