റിയാദ്: രണ്ടു പതിറ്റാണ്ടിലേറെ സൗദിയില്‍ പ്രവാസിയായിരുന്ന മലയാളി ഹൃദയാഘാതം മൂലം അല്‍ബാഹയില്‍ മരിച്ചു. മലപ്പുറം വളാഞ്ചേരി വെണ്ടല്ലൂര്‍ സ്വദേശി കട്ടചിറ മുസ്തഫ (55) ആണ് ഹൃദയാഘാതംമൂലം മരിച്ചത്. മൂന്ന് മാസം മുമ്പാണ് അവധിക്ക് നാട്ടില്‍ പോയി തിരികെ മടങ്ങിയെത്തിയത്. അത്താവിലയിലെ ഹുബൂബ് സൂപ്പര്‍മാര്‍ക്കറ്റിലെ ജീവനക്കാരനായിരുന്നു. ജോലിക്കിടെ ദേഹാസ്വസ്ഥ്യം അനുഭവപ്പെട്ടതിനെ തുടര്‍ന്ന് മുസ്തഫയെ അല്‍ബാഹ കിങ് ഫഹദ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.

കട്ടചിറ അബ്ദുറഹിമാന്‍, ഫാത്തിമക്കുട്ടി എന്നിവരാണ് മാതാപിതാക്കള്‍. ഭാര്യ: റാബിയ. മക്കള്‍: തസ്‌നിയ, ഹാദിയ, മുഹമ്മദ് സിനാന്‍. സഹോദരങ്ങള്‍: സൈതലവി, ഷംസുദ്ദീന്‍ (യു.എ.ഇ), ഷാഹുല്‍ ഹമീദ്. 

മയ്യിത്ത് നാട്ടിലെത്തിച്ച് മറവ് ചെയ്യും. ഇതിനുള്ള നടപടിക്രമങ്ങള്‍ നീക്കിവരികയാണ്.

Summary: Expatriate Malayali dies of heart attack in Saudi Arabia