കൊച്ചി: യുവ സംവിധായികയും ലക്ഷദ്വീപ് സ്വദേശിനിയുമായ ഐഷ സുല്‍ത്താന വിവാഹിതയായി. അന്ത്രോത്ത്, അഗത്തി ദ്വീപുകളിലെ ഡെപ്യൂട്ടി കലക്ടറായി സേവനമനുഷ്ഠിച്ച ഹര്‍ഷിത്ത് സൈനിയാണ് വരന്‍. ഹരിയാന സ്വദേശികളായ ആര്‍.കെ സൈനിയുടെയും ശിഖ സൈനിയുടെയും മകനാണ് ഹര്‍ഷിത്.

ഡല്‍ഹിയില്‍വച്ച് കഴിഞ്ഞമാസം 21ന് വിവാഹ രജിസ്‌ട്രേഷന്‍ നടപടികള്‍ പൂര്‍ത്തിയായി. സംഭവം സോഷ്യല്‍മീഡിയകളില്‍ പ്രചരിച്ചതോടെ, വിവാഹവാര്‍ത്ത സ്ഥിരീകരിച്ച് ഐഷാ സുല്‍ത്താന രംഗത്തുവന്നു. തന്റെ മാതാവ് ഉംറ നിര്‍വഹിക്കാന്‍ പോകുകയാണെന്നും തിരിച്ചെത്തിയ ശേഷം എല്ലാവരെയും അറിയിക്കുമെന്നും റിസപ്ഷന്‍ നടക്കുമെന്നും ഐഷ അറിയിച്ചു.

ഫ്‌ലഷ് ആണ് ഐഷയുടെ ആദ്യ ചിത്രം. ലാല്‍ ജോസ് തുടങ്ങി നിരവധി സംവിധായകരോടൊപ്പം പ്രവര്‍ത്തിച്ചിട്ടുണ്ട്. കെട്ട്യോളാണ് എന്റെ മാലാഖ എന്ന ചലച്ചിത്രത്തിന്റെ സഹസംവിധായകയാണ്. 

ദ്വീപുമായി ബന്ധപ്പെട്ട വിഷയങ്ങളിലും രാഷ്ട്രീയകാര്യങ്ങളിലും അഭിപ്രായങ്ങള്‍ പ്രകടിപ്പിക്കാറുള്ള ഐഷ, കടുത്ത സംഘ്പരിവാര്‍ വിമര്‍ശകകൂടിയാണ്.

ലക്ഷദ്വീപിലെ അഡ്മിനിസ്‌ട്രേറ്റര്‍ പട്ടേലിനെ ജൈവായുധം എന്ന് വിശേഷിപ്പിച്ചെന്ന് ആരോപിച്ച് ഐഷയ്‌ക്കെതിരെ കവരത്തി പോലീസ് രാജ്യദ്രോഹക്കുറ്റം ചുമത്തി കേസെടുത്തിരുന്നു.

Lakshadweep-based filmmaker Aisha Sultana has entered wedlock with Harshit Saini, the son of R.K. Saini and Shikha Saini from Gurugram, Delhi. Harshit, who is currently posted as a Deputy Collector in Delhi, and Aisha officially registered their marriage in Delhi on June 20.