ബ്ലൂംബെർഗിന്റെ ശതകോടീശ്വര സൂചിക പ്രകാരം, മൈക്രോസോഫ്റ്റ് സ്ഥാപകനായ ബിൽ ഗേറ്റ്സ് ലോകത്തെ ധനികരുടെ പട്ടികയിൽ ആദ്യ പത്തിൽ നിന്ന് പുറത്തായി. നിലവിൽ 124 ബില്യൺ ഡോളറിന്റെ ആസ്തിയുമായി അദ്ദേഹം 12-ാം സ്ഥാനത്താണ്. അതേസമയം, മൈക്രോസോഫ്റ്റിന്റെ മുൻ സിഇഒയും അദ്ദേഹത്തിന്റെ മുൻ സഹപ്രവർത്തകനുമായ സ്റ്റീവ് ബാൽമറിനെക്കാൾ വളരെ താഴെയാണ് ഇപ്പോൾ ബിൽ ഗേറ്റ്സിന്റെ സ്ഥാനം. ഒരാഴ്ചയ്ക്കുള്ളിൽ അദ്ദേഹത്തിന്റെ ആസ്തിയിൽ 30% ഇടിവ് സംഭവിച്ചതാണ് ഇതിന്റെ പ്രധാന കാരണം.

ബിൽ ഗേറ്റ്സിന്റെ ആസ്തിയിൽ 52 ബില്യൺ ഡോളറിന്റെ കുറവുണ്ടായത് പ്രധാനമായും അദ്ദേഹം നടത്തിയ ജീവകാരുണ്യ സംഭാവനകൾ മൂലമാണ്. 175 ബില്യൺ ഡോളറായിരുന്ന അദ്ദേഹത്തിന്റെ ആസ്തി ഒറ്റയടിക്ക് 124 ബില്യൺ ഡോളറായി കുറഞ്ഞു. ഗേറ്റ്സ് ഫൗണ്ടേഷന്റെ വെബ്സൈറ്റ് പ്രകാരം, കഴിഞ്ഞ വർഷം 60 ബില്യൺ ഡോളറാണ് ജീവകാരുണ്യ പ്രവർത്തനങ്ങൾക്കായി ബിൽ ഗേറ്റ്സും മുൻ ഭാര്യ മെലിൻഡ ഗേറ്റ്സും സംഭാവന ചെയ്തത്. 2045-ഓടെ 200 ബില്യൺ ഡോളറിലധികം ജീവകാരുണ്യ പ്രവർത്തനങ്ങൾക്കായി ചെലവഴിക്കാനാണ് ഗേറ്റ്സ് പദ്ധതിയിടുന്നതെന്നും റിപ്പോർട്ടുകൾ സൂചിപ്പിക്കുന്നു.

ALSO READ: UAE Market Today: യുഎഇ ദിര്‍ഹം - ഇന്ത്യന്‍ രൂപ വിനിമയ നിരക്ക്; യുഎഇയിലെ ഇന്നത്തെ സ്വര്‍ണം, വെള്ളി, ഇന്ധനവിലയും പരിശോധിക്കാം

ബ്ലൂംബെർഗിന്റെ പട്ടികയിൽ 349 ബില്യൺ ഡോളറുമായി ഇലോൺ മസ്കാണ് ഒന്നാം സ്ഥാനത്ത്. 254 ബില്യൺ ഡോളറുമായി മാർക്ക് സക്കർബർഗ് രണ്ടാം സ്ഥാനത്തും, 250 ബില്യൺ ഡോളറുമായി ലാറി എലിസൺ മൂന്നാം സ്ഥാനത്തുമാണ്. 

ബ്ലൂംബെർഗ് ശതകോടീശ്വര പ‍ട്ടികയിലെ ആദ്യ 10 സ്ഥാനക്കാർ

1) ഇലോൺ മസ്ക് - 349 ബില്യൺ
2) മാർക്ക് സക്കർബർഗ് - 254 ബില്യൺ
3) ലാറി എലിസൺ - 250 ബില്യൺ
4) ജെഫ് ബെസോസ് - 240 ബില്യൺ
5) സ്റ്റീവ് ബാൽമർ - 171 ബില്യൺ
6) ബെർണാഡ് ആർനോൾട്ട് - 159 ബില്യൺ
7) ലാറി പേജ് - 158 ബില്യൺ
8) സെർജി ബ്രിൻ - 149 ബില്യൺ
9) വാറൻ ബഫറ്റ് - 143 ബില്യൺ
10) ജെൻസൺ ഹുവാങ് - 140 ബില്യൺ

Microsoft founder Bill Gates has dropped out of the top 10 richest people list, according to the Bloomberg Billionaires Index. His net worth currently stands at $124 billion, ranking him 12th globally. This significant shift is attributed to a 30% decline in his wealth within just one week, primarily due to charitable donations. Interestingly, Gates now ranks below his former colleague and Microsoft CEO, Steve Ballmer, who has a net worth of $172 billion ¹.