പശ്ചിമ ബംഗാളിലെ ജല്‍പായ്ഗുഡിയില്‍ ചുഴലിക്കാറ്റില്‍ നാലുപേര്‍ മരിച്ചു. നൂറിലധികം പേര്‍ക്ക് പരിക്കേറ്റു. മേഖലയില്‍ കനത്ത മഴയെ തുടര്‍ന്ന് വ്യാപകമായ നാശനഷ്ടങ്ങളുണ്ടായി. ചുഴലിക്കാറ്റില്‍ നിരവധി വീടുകള്‍ തകര്‍ന്നു. മരണസംഖ്യ ഇനിയും ഉയരുമെന്നാണ് റിപ്പോര്‍ട്ട്. അസമിലും മണിപ്പൂരിലും കനത്ത മഴയില്‍ വ്യാപക നാശനഷ്ടങ്ങളുണ്ടായിട്ടുണ്ട്.പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജി ഇന്ന് രാത്രി തന്നെ ജയ്പാല്‍ഗുഡി സന്ദര്‍ശിക്കും. ദുരിതാശ്വസപ്രവര്‍ത്തനങ്ങള്‍ക്ക് നേരിട്ട് നേതൃത്വം നല്‍കാനാണ് മുഖ്യമന്ത്രി ജയ്പാല്‍ഗുഡിയില്‍ എത്തുന്നതെന്നും തൃണമൂല്‍വൃത്തങ്ങള്‍ പറഞ്ഞു.