തൃശൂര്‍: തൃശൂര്‍ ഗവണ്‍മെന്റ് എന്‍ജിനിയറിങ് കോളജില്‍ സംഘട്ടനത്തെ തുടര്‍ന്ന് പൊലിസ് ലാത്തി വീശി. സംഘാടകര്‍ ഉള്‍പ്പെടെ ഏഴ് പേര്‍ക്ക് പരുക്കേറ്റു. കോളേജ് യൂനിയന്‍ സംഘടിപ്പിച്ച ദ്യുതി എക്‌സിബിഷന്റെ സമാപന സമ്മേളനത്തോടനുബന്ധിച്ച് നടത്തിയ ഡി.ജെ ഗാനമേളക്കിടെയാണ് സംഘര്‍ഷമുണ്ടായത്. സംഘര്‍ഷത്തെ തുടര്‍ന്ന് തിങ്കളാഴ്ച രാത്രി പതിനൊന്നരയോടെ പൊലിസ് ലാത്തി വീശി വിദ്യാര്‍ഥികളെ വിരട്ടിയോടിക്കുകയായിരുന്നു.
സംഘര്‍ഷത്തെ തുടര്‍ന്ന് പേരാമംഗലം സി.ഐ മണികണ്ഠന്റെ നേതൃത്വത്തില്‍ കൂടുതല്‍ പൊലിസ് എന്‍ജീനിയറിങ് കോളജില്‍ എത്തിയിരുന്നു.