മസ്‌കത്ത്: മത്സ്യബന്ധന ബോട്ട് വഴി രാജ്യത്തേക്ക് മയക്കുമരുന്ന് കടത്താന്‍ ശ്രമിച്ച രണ്ടു പേരെ പിടികൂടി. ബോട്ട് വഴി രാജ്യത്തേക്ക് മയക്കുമരുന്ന് കടത്താന്‍ ശ്രമിക്കവേയാണ് രണ്ട് ഇറാന്‍ പൗരന്മാരെ റോയല്‍ ഒമാന്‍ പൊലിസ് അറസ്റ്റു ചെയ്തത്. 

ALSO READ: ഷാര്‍ജയിലെ ഒട്ടകങ്ങള്‍ക്കായുള്ള ഓട്ടമത്സരം; 1500 മീറ്ററില്‍ പങ്കെടുക്കാന്‍ 1,000 ഒട്ടകങ്ങള്‍ 

സൗത്ത് അല്‍ ബത്തിന ഗവര്‍ണറേറ്റ് പൊലിസുമായി സഹകരിച്ച് ഒമാനി തീരസംരക്ഷണ സേന ബോട്ട് തടഞ്ഞാണ് ഇവരെ പിടികൂടിയത്. പ്രതികളുടെ കൈവശം വലിയ അളവില്‍ ക്രിസ്റ്റല്‍ മെത്ത്, ഹാഷിഷ്, മരിജുവാന, 68,000ത്തിലധികം സൈക്കോട്രോപിക് ഗുളികകള്‍ എന്നിവ ഉണ്ടായിരുന്നതായി അധികൃതര്‍ സ്ഥിരീകരിച്ചു. പ്രതികള്‍ നിലവില്‍ പൊലിസ് കസ്റ്റഡിയിലാണ്. ഇവര്‍ക്കെതിരെയുള്ള നിയമനടപടികള്‍ പുരോഗമിക്കുകയാണ്.

മെയ് 27 ന് സുല്‍ത്താനേറ്റില്‍ 20 കിലോയില്‍ കൂടുതല്‍ മയക്കുമരുന്ന് കൈവശം വെച്ച രണ്ട് വ്യക്തികളെ അറസ്റ്റ് ചെയ്തിരുന്നു. 20 കിലോയില്‍ കൂടുതല്‍ ക്രിസ്റ്റല്‍ മെത്താംഫെറ്റാമൈന്‍, ഹാഷിഷ് എന്നിവ കൈവശം വച്ചതിന് ഒരു ഈജിപ്ഷ്യന്‍ പൗരനേയും ഒരു സുഡാന്‍ പൗരനേയുമാണ് അറസ്റ്റ് ചെയ്തതെന്ന് റോയല്‍ ഒമാന്‍ പൊലിസിലെ ജനറല്‍ ഡയറക്ടറേറ്റ് ഫോര്‍ കോംബാറ്റിംഗ് നാര്‍ക്കോട്ടിക് ആന്‍ഡ് സൈക്കോട്രോപിക് സബ്സ്റ്റന്‍സസ് അറിയിച്ചു.

ALSO READ: ഒമാനില്‍ ഹോട്ടല്‍, ടൂറിസംരംഗത്ത് 73 പുതിയ തൊഴിലവസരങ്ങള്‍ക്ക് അംഗീകാരം

മയക്കുമരുന്ന് കള്ളക്കടത്ത് ശൃംഖലകള്‍ തകര്‍ക്കുന്നതിലും വിതരണ മാര്‍ഗങ്ങള്‍ തടയുന്നതിലും ശ്രദ്ധ കേന്ദ്രീകരിച്ച് ഒമാന്‍ സമീപ വര്‍ഷങ്ങളില്‍ മയക്കുമരുന്നിനെതിരെയുള്ള നടപടികള്‍ ശക്തമാക്കിയിട്ടുണ്ട്.

Authorities arrested two individuals attempting to smuggle drugs to Oman using a fishing boat. The operation highlights ongoing efforts to combat cross-border drug trafficking in the region.