പൂവ്വത്തൂര്‍: ബസ്സ്റ്റാന്‍ഡിലെ പുതിയ കെട്ടിടത്തില്‍ ചിറ്റാട്ടുകര സര്‍വിസ് സഹകരണ ബാങ്കിന്റെ നീതി മെഡിക്കല്‍ സ്റ്റോര്‍ പ്രവര്‍ത്തനം ആരംഭിച്ചു. ഇന്നലെ രാവിലെ നടന്ന ചടങ്ങില്‍ പി.കെ ബിജു എം.പി ഉദ്ഘാടനം ചെയ്തു. ബാങ്ക് പ്രസിഡന്റ് ജിയോ ഫോക്‌സ് അധ്യക്ഷനായി. മുല്ലശ്ശേരി ബ്ലോക്ക് പഞ്ചായത്ത് പ്രസിഡന്റ് ലതി വേണുഗോപാല്‍ ആദ്യ വില്‍പ്പന നിര്‍വഹിച്ചു. എളവള്ളി ഗ്രാമപഞ്ചായത്ത് പ്രസിഡന്റ് യു.കെ ലതിക, ചാവക്കാട് ജനറല്‍ അസി. രജിസ്ട്രാര്‍ കെ.കെ വാസു, ത്രിതല പഞ്ചായത്ത് അംഗങ്ങള്‍, വിവിധ രാഷ്ട്രീയ കക്ഷി നേതാക്കള്‍ സംസാരിച്ചു.