ചിലരുടെ നഖങ്ങള്‍ പെട്ടെന്നു പൊട്ടിപ്പോവുന്നതും തീരെ കട്ടിയില്ലാത്തതുമായിരിക്കും. ഇനി നെയില്‍ പോളിഷ് ഇടുന്നവരാണെങ്കില്‍ ഇട്ടു കഴിഞ്ഞാല്‍ അത് റിമൂവ് ചെയ്യാനും നമുക്ക് മടിയാണ്. നഖം വിണ്ടു കീറുന്നതും കുറച്ചു വലുതാകുമ്പോള്‍ ഒടിഞ്ഞു പോവുന്നതുമൊക്കെ നഖത്തിന്റെ ആരോഗ്യത്തെയാണ് സൂചിപ്പിക്കുന്നത്. ശരീരത്തിലെ മറ്റു അവയവങ്ങളെ പോലെ നഖത്തെയും നമ്മള്‍ കാര്യമായി തന്നെ പരിചരിക്കണം. അതിനായി ഇത്രയും കാര്യങ്ങളൊന്നു ശ്രദ്ധിച്ചാല്‍ മതി. ആരോഗ്യമുള്ള നഖങ്ങള്‍ക്കായി വിറ്റാമിനുകള്‍ ആവശ്യമാണ്. 

പ്രോട്ടീന്‍

നഖങ്ങള്‍ നിര്‍മിച്ചിരിക്കുന്നത് കെരാറ്റിന്‍ എന്ന പ്രോട്ടീന്‍ കൊണ്ടാണ്. മാംസം, മുട്ട, നട്‌സ്, വിത്തുകള്‍, പയര്‍ വര്‍ഗങ്ങള്‍ തുടങ്ങിയവ ഭക്ഷണത്തിലുള്‍പ്പെടുത്തുക. ഇത് നഖത്തിന്റെ ആരോഗ്യത്ത് വളരെയധികം ഗുണം ചെയ്യും

ബയോട്ടിന്‍ (വൈറ്റമിന്‍ ബി 7)

ബയോട്ടിനടങ്ങിയ ഭക്ഷണങ്ങള്‍ കഴിക്കുന്നത് കോശവളര്‍ച്ചയെ പിന്തുണയ്ക്കും. അതിനായി മുട്ട, നട്‌സ്, വിത്തുകള്‍, സാല്‍മണ്‍, മധുരക്കിഴങ്ങ് എന്നിവ കഴിക്കാവുന്നതാണ്.

സിങ്ക്

ബീഫ, മത്തങ്ങാ വിത്തുകള്‍, പയര്‍, കടല തുടങ്ങിയവ ഭക്ഷണത്തില്‍ ഉള്‍പ്പെടുത്തുന്നത് വളരെ നല്ലതാണ്. സിങ്ക് കോശങ്ങളുടെ വളര്‍ച്ചയ്ക്കു കാരണമാകുന്നു. ഇതും നഖങ്ങളുടെ വളര്‍ച്ചയ്ക്ക് വലിയ പങ്ക് വഹിക്കുന്നു. 

ഇരുമ്പ് 

ഇരുമ്പിന്റെ കുറവ് നഖങ്ങള്‍ പൊട്ടിപ്പോവാന്‍ കാരണമാവുന്നു. ഇതിനായി ചുവന്ന മാംസം, കോഴി, കടല്‍ ഭക്ഷണം, ബീന്‍സ്, പയര്‍, ചീര, ഫോര്‍ട്ടിഫൈഡ് ധാന്യങ്ങള്‍ എന്നിവ കഴിക്കേണ്ടതാണ്. 

വിറ്റാമിന്‍ ഇ

വിണ്ടുകീറിയതോ വരണ്ടതോ ആയ നഖങ്ങള്‍ ഉണ്ടെങ്കില്‍ ഇവര്‍ ആന്റി ഓക്‌സിഡന്റുകള്‍ അടങ്ങിയ നട്‌സ്, വിത്തുകള്‍, അവക്കാഡോ, സസ്യ എണ്ണകള്‍ എന്നിവ ഉപയോഗിക്കേണ്ടതാണ്. 

ALSO READ: തലനാരിഴയ്ക്കു രക്ഷ:  റണ്‍വേയില്‍ നിന്ന് ഒരു വിമാനം പറന്നുയരുന്നു, അതേ റണ്‍വേയിലേക്ക് മറ്റൊരു വിമാനം പറന്നിറങ്ങുന്നു

കാല്‍സ്യം

എല്ലുകളുടെയും നഖങ്ങളുടെയും ബലത്തിന് കാത്സ്യം ആവശ്യമാണ്. പാലുല്‍പ്പന്നങ്ങള്‍, ഇലക്കറികള്‍, ബദാം എന്നിവ ഉപയോഗപ്പെടുത്തുക. ഇത് ഭക്ഷണത്തില്‍ ഉള്‍പ്പെടുത്തുമ്പോള്‍ നഖങ്ങളുടെ ആരോഗ്യവും നന്നായിരിക്കും. 

വിറ്റാമിന്‍ സി 

നഖങ്ങളുടെ ആരോഗ്യത്താനാവശ്യമായ കൊളാജന്‍ ഉല്‍പാദിപ്പിക്കാന്‍ ഈ വിറ്റാമിന്‍ പ്രധാനമാണ്. സിട്രസ് പഴങ്ങള്‍, സ്‌ട്രോബറി, കുരുമുളക്, ബ്രോക്കളി എന്നിവയില്‍ സി വിറ്റാമിന്‍ ധാരാളമുണ്ട്.  അതുകൊണ്ട് ഇവയും കഴിക്കാന്‍ ശ്രദ്ധിക്കുക. 

വെള്ളവുമായി ഒരുപാട് ബന്ധമുണ്ടാക്കുന്നത് നഖങ്ങള്‍ക്ക് അത്ര നല്ലതല്ല. പ്രത്യേകിച്ച് പാത്രം കഴുകുമ്പോഴൊക്കെ ലിക്വിഡ് കലര്‍ന്ന വെള്ളമായിരിക്കും കൈകളില്‍ ആവുക. അതുകൊണ്ട് എപ്പോഴും ഗ്ലൗസ് ധരിച്ചു മാത്രം കഴുകാന്‍ ശ്രമിക്കുക.