ലണ്ടന്‍: കോടികളുടെ ഇന്‍ഷുറന്‍സ് തുക ലഭിക്കാനായി സ്വന്തം കാലുകള്‍ മുറിച്ചുമാറ്റി യുകെയിലെ ഡോക്ടര്‍. ബ്രിട്ടീഷുകാരനായ നീല്‍ ഹോപ്പര്‍ (49) ആണ് ഏകദേശം അഞ്ചര കോടി രൂപയോളം ഇന്‍ഷുറന്‍സ് തുകയ്ക്കായി സ്വന്തം ശരീരത്തോട് ഈ ക്രൂരത ചെയ്തത്. അന്വേഷണത്തില്‍ തട്ടിപ്പ് പുറത്തായതോടെ ഇപ്പോള്‍ നിയമനടപടി നേരിടുകയാണ് നീല്‍.

രണ്ട് കമ്പനികളില്‍ നിന്നായി 235,622 പൗണ്ട്, 231,031 പൗണ്ടിന്റെയും (ഏകദേശം 5.5 ഇന്ത്യന്‍ രൂപ) ഇന്‍ഷുറന്‍സാണ് നീലിനുണ്ടായിരുന്നത്. അണുബാധയെ തുടര്‍ന്ന് കാലുകള്‍ മുറിച്ച് മാറ്റിയെന്നാണ് ഇയാള്‍ കമ്പനികളെ തെറ്റിദ്ധരിപ്പിച്ചത്. 2019 ജൂണ്‍ 3, 26 തീയതികളിലാണ് സര്‍ജറി നടന്നതെന്നും നീല്‍ അറിയിച്ചു. എന്നാല്‍ കേസില്‍ വിഷദമായ അന്വേഷണം നടത്തിയ ഡൊവോണ്‍ ആന്‍ഡ് കോണ്‍വാള്‍ പൊലിസ് നീലിന്റെ തട്ടിപ്പ് പുറത്ത് കൊണ്ടുവന്നു.

ALSO READ: വെറ്ററിനറി യൂണിവേഴ്‌സിറ്റിയില്‍ ക്ലര്‍ക്ക്; ഡിഗ്രിയാണ് യോഗ്യത; വേറെയുമുണ്ട് ഒഴിവുകള്‍; പരീക്ഷയില്ലാതെ ജോലി നേടാം 

2018 ആഗസ്റ്റ് 21നും 2020 ഡിസംബര്‍ 4നും ശരീരത്തില്‍ മോഡിഫിക്കേഷന്‍ വരുത്തുന്നത് പ്രോത്സാഹിപ്പിക്കുന്ന തരം വീഡിയോകള്‍ നീല്‍ വാങ്ങിയതായി പൊലിസ് കണ്ടെത്തുകയും, കോടതി ഇത് തെളിവായി സ്വീകരിക്കുകയും ചെയ്തു. ഇതോടെ ഡോക്ടര്‍ക്ക് മേല്‍ കുരുക്ക് മുറുകി. ഏകദേശം രണ്ടര കൊല്ലം നീണ്ട അന്വേഷണത്തിലാണ് നീലിന്റെ തട്ടിപ്പ് പുറത്തായത്. 

2013 മുതല്‍ റോയല്‍ കോണ്‍വാള്‍ ഹോസ്പിറ്റല്‍സ് എന്‍എച്ച്എസ് ട്രസ്റ്റില്‍ സര്‍ജനായി ജോലി ചെയ്തിരുന്ന നീല്‍ അറിയപ്പെടുന്ന ഡോക്ടറായിരുന്നു. ഇക്കാലയളവില്‍ നൂറ് കണക്കിന് ശസ്ത്രക്രിയകള്‍ ഇയാള്‍ ചെയ്തിട്ടുണ്ട്. കേസില്‍ പിടിക്കപ്പെട്ടതിന് പിന്നാലെ 2023ല്‍ നീലിനെ ജോലിയില്‍ നിന്ന് പുറത്താക്കുകയും, മെഡിക്കല്‍ രജിസ്‌ട്രേഷന്‍ റദ്ദാക്കുകയും ചെയ്തിരുന്നു. കേസില്‍ കോടതി അടുത്ത മാസം വാദം കേള്‍ക്കും. 

british doctor cut his own legs for claiming insurance money worth crores