കൊച്ചി: കഴിഞ്ഞ കുറച്ച് ദിവസങ്ങളായി സ്വര്‍ണവില കുറഞ്ഞുവരികയാണ് കേരളത്തില്‍.  സര്‍വകാല റെക്കോര്‍ഡിലെത്തിയ ശേഷമാണ് വില കുറയുന്നത് എന്നതാണ് ശ്രദ്ധേയം. രാജ്യാന്തര വിപണിയില്‍ സ്വര്‍ണവില കുറയുന്നതാണ് കേരളത്തിലും വില ഇടിയാന്‍ കാരണമാവുന്നതെന്നാണ് വ്യാപാരികള്‍ പറയുന്നത്. കഴിഞ്ഞയാഴ്ചയില്‍ തന്നെയാണ് സ്വര്‍ണവില റെക്കോര്‍ഡിട്ടതും.  മുക്കാല്‍ ലക്ഷം കടന്ന് 75,040 രൂപയായിരുന്നു ബുധനാഴ്ചത്തെ വില. അതിന് ശേഷമാണ് വില കുറയാന്‍ തുടങ്ങിയത്. ശനിയാഴ്ച പവന് 400 രൂപയാണ് കുറഞ്ഞത്. വ്യാഴാഴ്ചയാവട്ടെ 1000 രൂപ കുറഞ്ഞു. വെള്ളിയാഴ്ച 360 രൂപയും കുറവുണ്ടായി. 

നാല് ദിവസം മുമ്പ് രാജ്യാന്തര വിപണിയില്‍ സ്വര്‍ണവില 3430 ഡോളറില്‍ എത്തിയ സ്വര്‍ണവില ഇന്ന് 3336 ഡോളറിലാണ്. ആഗോളവിപണിയില്‍ ഇത്രയും കുറഞ്ഞതിനാലാണ് കേരളത്തിലും വില താഴ്ന്ന് വരുന്നതെന്ന് നിരീക്ഷകര്‍ ചൂണ്ടിക്കാട്ടുന്നു. ഡോളര്‍ കരുത്ത് കാര്യമായി കൂടിയിട്ടില്ല. അതേസമയം, ഡോളര്‍ കരുത്ത് വര്‍ധിപ്പിക്കുക കൂടി ചെയ്താല്‍ സ്വര്‍ണവില ഇനിയും കുറയുമെന്നും നിരീക്ഷര്‍ പറയുന്നു. 

ALSO READ: ഗസ്സയുടെ വിശപ്പിനു മേല്‍ ആകാശത്തു നിന്ന് 'ഭക്ഷണപ്പൊതികളെറിയാന്‍' ഇസ്‌റാഈല്‍; ഇത് അപകടകരം, പട്ടിണിയില്‍ മരിക്കുന്ന ഒരു ജനതയെ അപമാനിക്കല്‍, നടപടിക്കെതിരെ യു.എന്‍ ഉള്‍പെടെ രൂക്ഷ വിമര്‍ശനവുമായി രംഗത്ത് 

ട്രംപിന്റെ പിടി അയയുന്നു
അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് മറ്റു രാജ്യങ്ങള്‍ക്കെതിരെ ഉയര്‍ത്തിയ താരിഫ് ഭീഷണിക്ക് ഇപ്പോള്‍ അയവ് വന്നിട്ടുണ്ടെന്നാണ് റിപ്പോര്‍ട്ടുകള്‍ ,ൂചിപ്പിക്കുന്നത്. ജപ്പാനുമായി പ്രതീക്ഷിച്ചതിനേക്കാള്‍ കുറഞ്ഞ നിരക്കിലാണ് കരാര്‍ ഒപ്പുവച്ചിട്ടുള്ളത്. യൂറോപ്പുമായും സഹകരിച്ചു മുന്നോട്ട് പോകുമെന്ന് റിപ്പോര്‍ട്ടുകള്‍ സൂചിപ്പിക്കുന്നു. ഇന്ത്യയും ബ്രിട്ടനും വ്യാപാര കരാറില്‍ ഒപ്പുവച്ചതും വിപണിക്ക് നല്‍കുന്ന പ്രതീക്ഷ ചെറുതല്ല. 

ഇതെല്ലാം ചേര്‍ന്നാണ് സ്വര്‍ണവിലയില്‍ ഇടിവ് വരാന്‍ കാരണമായിരിക്കുന്നത്.  അമേരിക്കന്‍ കേന്ദ്ര ബാങ്ക് പലിശ നിരക്ക് ഉയര്‍ത്തുമോ കുറയ്ക്കുമോ എന്നാണ് ഇനി അറിയേണ്ടത്. പലിശ നിരക്കില്‍ വലിയ കുറവ് വരുത്തിയാല്‍ സ്വര്‍ണവില കൂടുമെന്നും നേരിയ മാറ്റമാണ് വരുത്തുന്നതെങ്കില്‍  വിലയില്‍ കാര്യമായ മാറ്റമുണ്ടാകില്ലെന്നും നിരീക്ഷകര്‍ പറയുന്നു. 

ALSO READ: ഗസ്സയിലേക്ക് ഭക്ഷണവുമായി പുറപ്പെട്ട ഹന്‍ദല ബോട്ട് തടഞ്ഞ് ഇസ്‌റാഈല്‍; ബോട്ടിലേക്ക് ഇരച്ചു കയറി, കാമറകള്‍ ഓഫ് ചെയ്തു, യാത്രികരായ ആക്ടിവിസ്റ്റുകളെ കിഡ്‌നാപ്പ് ചെയ്തു

ഇന്നലത്തെ സ്വര്‍ണവില തന്നെ ഇന്നും

കേരളത്തില്‍ ഇന്നലെ ഒരു പവന്‍ സ്വര്‍ണത്തിന് 400 രൂപ കുറഞ്ഞ് 73280 രൂപയാണ് ആയത്. ഇതേ വില തന്നെയാണ് ഇന്നും തുടരുന്നത്.ഗ്രാമിന് 50രൂപ താഴ്ന്ന് 9160 രൂപയിലെത്തി. 22 കാരറ്റ് സ്വര്‍ണത്തിന്റെ വിലയാണിത്. അതേസമയം, 18 കാരറ്റ് സ്വര്‍ണം ഗ്രാമിന് 40 രൂപ കുറഞ്ഞ് 7515 രൂപയായി. 14 കാരറ്റ് സ്വര്‍ണം ഗ്രാമിന് 5855 രൂപയാണ് ഇന്നത്തെ വില. 9 കാരറ്റ് സ്വര്‍ണം ഗ്രാമിന് 3775 രൂപയായി. വെള്ളിയുടെ വിലയില്‍ കേരളത്തില്‍ മാറ്റമില്ല. ഗ്രാമിന് 123 രൂപയില്‍ തുടരുന്നു.

Gold prices in Kerala are declining, dropping significantly over the past few days, following a recent all-time record high of ₹75,040 per sovereign. The fall is attributed to decreased international gold rates.