ഡൽഹി: ഉത്തരാഖണ്ഡിന് പിന്നാലെ ഗുജറാത്തും ഏകീകൃത സിവിൽ കോഡ് (യുസിസി) നടപ്പാക്കാൻ ഒരുങ്ങുന്നതായി റിപ്പോർട്ട്. മുഖ്യമന്ത്രി ഭൂപേന്ദ്ര യാദവും യുസിസി കമ്മിറ്റിയും തമ്മിൽ ഇന്നലെ നടന്ന ചർച്ചയിൽ കരട് രേഖ വിശദമായി ചർച്ച ചെയ്തു. സംസ്ഥാന സർക്കാർ ഇനി ഈ കരട് രേഖയിലെ നിർദേശങ്ങൾ പരിശോധിക്കും. ആവശ്യമെങ്കിൽ മന്ത്രിസഭ മാറ്റങ്ങൾ നിർദേശിക്കുമെന്നാണ് വിവരം.

ഗുജറാത്ത് നിയമസഭയുടെ വരാനിരിക്കുന്ന ശീതകാല സമ്മേളനത്തിൽ യുസിസി ബിൽ അവതരിപ്പിച്ചേക്കും. മുഖ്യമന്ത്രിയുമായുള്ള ചർച്ചയിൽ ഇതുവരെയുള്ള പ്രവർത്തനങ്ങൾ വിലയിരുത്തിയതായി സുപ്രീം കോടതി ജഡ്ജി ജസ്റ്റിസ് രഞ്ജന ദേശായി അറിയിച്ചു. സംസ്ഥാനത്തെ എല്ലാ ജില്ലകളും സന്ദർശിച്ച് വിവിധ വിഭാഗങ്ങളുമായി ചർച്ച നടത്തിയാണ് യുസിസി കമ്മിറ്റി കരട് രേഖ തയ്യാറാക്കിയത്. അന്തിമ റിപ്പോർട്ട് ഉടൻ സമർപ്പിക്കുമെന്നും അവർ വ്യക്തമാക്കി.

സർക്കാരിന്റെ ഔദ്യോഗിക വക്താവും ഈ റിപ്പോർട്ടിനോട് പ്രതികരിച്ചു. 2024 ഫെബ്രുവരി 4-നാണ് സംസ്ഥാന സർക്കാർ യുസിസി കമ്മിറ്റി രൂപീകരിച്ചത്. അഞ്ചംഗ സമിതിയാണ് ഏകീകൃത സിവിൽ കോഡ് നടപ്പാക്കുന്നതിനുള്ള നിർദേശങ്ങൾ സമർപ്പിക്കാൻ ചുമതലപ്പെടുത്തിയത്. തുടക്കത്തിൽ 45 ദിവസത്തിനുള്ളിൽ കരട് റിപ്പോർട്ട് സമർപ്പിക്കാൻ നിർദേശിച്ചിരുന്നെങ്കിലും, പിന്നീട് മൂന്ന് തവണ സമയം നീട്ടി നൽകി.

Gujarat is set to implement a Uniform Civil Code (UCC) following Uttarakhand's initiative. Chief Minister Bhupendra Yadav discussed the draft UCC with the committee, which was formed on February 4, 2025. The state government will review the draft, with potential amendments to be proposed by the cabinet. The UCC may be tabled in the upcoming winter session of the Gujarat Assembly. The committee, led by Justice Ranjana Desai, prepared the draft after statewide consultations. The final report will be submitted soon.