കാൺപൂർ: ഉത്തർപ്രദേശിലെ ഗംഗാ നദീതീര ജില്ലകളിൽ വെള്ളപ്പൊക്കവും കടുത്ത വെള്ളക്കെട്ടും തുടരുന്നതിനിടെ, കാൺപൂരിലെ ദേഹത്ത് വെള്ളപ്പൊക്ക ബാധിത പ്രദേശം സന്ദർശിച്ച സംസ്ഥാന കാബിനറ്റ് മന്ത്രി സഞ്ജയ് നിഷാദിന്റെ പരാമർശം വിവാദമായി. "നിങ്ങൾ ഗംഗയുടെ മക്കളാണ്, ഗംഗാ നദി നിങ്ങളുടെ പാദങ്ങൾ വൃത്തിയാക്കാൻ വീട്ടുവാതിൽക്കൽ എത്തിയിരിക്കുന്നു, ഇത് നിങ്ങളെ നേരിട്ട് സ്വർഗത്തിലേക്ക് കൊണ്ടുപോകും," എന്ന് അദ്ദേഹം പറഞ്ഞത് ഗ്രാമീണരുടെ പ്രതിഷേധത്തിന് കാരണമായി.

നിഷാദ് പാർട്ടി നേതാവ് കൂടിയായ സഞ്ജയ് നിഷാദിനെ കാൺപൂരിലെ ദേഹത്തെ ദുരിതാശ്വാസ പ്രവർത്തനങ്ങൾക്ക് മേൽനോട്ടം വഹിക്കാൻ ചുമതലപ്പെടുത്തിയിരുന്നു. സോഷ്യൽ മീഡിയയിൽ വ്യാപകമായി പ്രചരിച്ച ഒരു വീഡിയോയിൽ, വെള്ളക്കെട്ടിന്റെ പ്രശ്നങ്ങൾ ചൂണ്ടിക്കാട്ടാൻ ശ്രമിക്കുന്ന ഗ്രാമീണർക്കിടയിൽ അദ്ദേഹം ഈ പരാമർശം നടത്തുന്നത് കേൾക്കാം.

മന്ത്രിയോടൊപ്പം യാത്ര ചെയ്ത ഒരു സ്ത്രീ, ഈ വാക്കുകൾ ഒരു വൃദ്ധയോട് വിശദീകരിക്കാൻ ശ്രമിച്ചപ്പോൾ, വൃദ്ധ മറുപടിയായി, "ഞങ്ങളോടോപ്പം  ഇവിടെ താമസിച്ച് ഗംഗയുടെ അനുഗ്രഹം വാങ്ങൂ," എന്ന് ആവശ്യപ്പെട്ടു.

"വെള്ളപ്പൊക്കം ഒരു പ്രകൃതി ദുരന്തമാണ്. സർക്കാർ ജനങ്ങൾക്കായി ഭക്ഷണ പാക്കറ്റുകളും പാകം ചെയ്ത ഭക്ഷണവും നൽകുന്നുണ്ട്. എന്നാൽ, അവർക്ക് പോസിറ്റീവ് ചിന്തകൾ നൽക്കേണ്ടതുണ്ട്. വെള്ളം തടയാൻ കഴിയില്ല, ഇത് ഒരു ദിവസത്തെയോ വർഷത്തെയോ പ്രശ്നമല്ല. ഞാൻ വൈകാരിക പിന്തുണ നൽകാൻ ശ്രമിച്ചു," എന്ന് നിഷാദ് ഇന്ത്യൻ എക്സ്പ്രസിനോട് ചൊവ്വാഴ്ച പറഞ്ഞു. "പോസിറ്റീവ് ചിന്തയും പ്രതീക്ഷയും വളർത്തേണ്ടത് അനിവാര്യമാണ്, അല്ലെങ്കിൽ പ്രതിപക്ഷം നുണകൾ പ്രചരിപ്പിക്കും," അദ്ദേഹം കൂട്ടിച്ചേർത്തു.

Uttar Pradesh Minister Sanjay Nishad sparked controversy during a visit to flood-hit Kanpur Dehat, telling residents, “Ganga cleans your feet and will take you to heaven.” The remark came as villagers raised concerns about severe flooding. An elderly woman retorted, asking Nishad to stay and “receive Ganga’s blessings.” Nishad, tasked with overseeing relief efforts, defended his statement, saying he aimed to provide emotional support and positivity. He emphasized government aid, including food distribution, amid ongoing flood challenges.