തിരുവനന്തപുരം: വനിത മാധ്യമ പ്രവർത്തകരെ അപകീർത്തിപ്പെടുത്തുന്നതിന് സൈബർ ഇടങ്ങളിൽ നടക്കുന്ന ആസൂത്രിത ആക്രമണങ്ങൾക്ക് അറുതിവരുത്താൻ അടിയന്തര നടപടി വേണമെന്ന് കേരള പത്ര പ്രവർത്തക യൂണിയൻ. സാമൂഹിക മാധ്യമങ്ങളിലൂടെ ചില്ലർ നടത്തുന്ന അധിക്ഷേപ പ്രചാരണവും ആക്രമണങ്ങളും വനിത മാധ്യമപ്രവർത്തകർക്ക് വലിയ മാനസിക പ്രശ്നങ്ങളാണ് ഉണ്ടാക്കുന്നത്. 

ALSO READ: പൊട്ടിവീണ വൈദ്യുതി ലൈനില്‍ നിന്ന് ഷോക്കേറ്റ് പതിനെട്ടുകാരന് ദാരുണാന്ത്യം

ഇത് കൂടാതെ തന്നെ സമ്മർദ്ദ സാഹചര്യങ്ങളിൽ തൊഴിൽ എടുക്കുന്ന വനിത മാധ്യമപ്രവർത്തകർക്ക് നേരെയായി നടക്കുന്ന സൈബർ ലിഞ്ചിങ് വലിയ ഭീഷണിയാണ് ഉയർത്തുന്നത്. എന്തെങ്കിലും തരത്തിലുള്ള കുറ്റകൃത്യം ആരുടെയെങ്കിലും ഭാഗത്തു നിന്നും ഉണ്ടായാൽ നിയമപരമായ പരിഹാരം തേടി ശിക്ഷ ഉറപ്പാക്കാൻ രാജ്യത്ത് നിയമ സംവിധാനങ്ങൾ ഉണ്ടാവുമ്പോൾ മാധ്യമ പ്രവർത്തകരെ സൈബർ ആക്രമണം നടത്തുന്നത് അനുവദിക്കാനാവില്ലെന്നും പ്രമുഖ മാധ്യമപ്രവർത്തകരുടെ പേരെടുത്തു പറഞ്ഞും അല്ലാതെയും അധിഷേപിക്കാനാണന് സൈബർ ഇടങ്ങളിൽ ആളുകൾ ശ്രമിച്ചുകൊണ്ടിരിക്കുന്നതെന്നും ഇവരെ വിലക്കാൻ ബന്ധപ്പെട്ട പാർട്ടി നേതൃത്വങ്ങൾ ഇടപെടണമെന്നും മുഖ്യമന്ത്രിക്കും പൊലിസ് മേധാവിക്കും നൽകിയ നിവേദനത്തിൽ ആവശ്യപ്പെട്ടു. യൂണിയൻ പ്രസിഡന്റ്കെപി റജി ജനറൽ സെക്രട്ടറി സുരേഷ് എടപ്പാൾ എന്നിവരാണ് നിവേദനം കൈമാറിയത്.